ސްރީލަންކާގެ ބޮޑު ވަޒީރުކަމުން ރަނިލް ވިކްރަމަސިންހަ ވަކިކޮށް، އާ ބޮޑުވަޒީރަކަށް ކުރީގެ ރައީސް މަހިންދަ ރާޖަޕަކްސާ އައްޔަނުކުރުމާއި ގުޅިގެން އުފެދިފައިވާ މައްސަލަތައް ހައްލުކުރަން، މަޖިލީސް ބާއްވަން ސްރީލަންކާގެ ރައީސް މައިތިރިޕާލާ ސިރިސޭނާ އަންގަވައިފިއެވެ.
މިމަހުގެ 16 ވަނަ ދުވަހާއި ހަމައަށް ސްރީލަންކާގެ ގާނޫނު ހަދާ މަޖިލިސް އޮތީ ސަސްޕެންޑު ކޮށްފައެވެ. ރަސްމީ ގެޒެޓުގައި ޝާއިއުކޮށްފައިވާ އިއުލާނެއްގައި ބުނެފައިވަނީ، މަޖިލީހުގެ ޖަލްސާއެއް އޮންނާނީ ނޮވެމްބަރު 14 ވަނަ ދުވަހުގެ ލަންކާ ގަޑިން ހެނދުނު 10.00 ގައި ކަމަށެވެ.
