ތުރުކީގެ އިސްތަންބޫލުގައި ހުންނަ ސައުދީ ކޮންސިއުލޭޓަށް ވަނުމަށް ފަހު ވީނުވީއެއް ނޭނގި ގެއްލިފައިވާ ނޫސްވެރިޔާ ޖަމާލް ޚަޝޯގީ މަރާލައި އޭނަގެ ހަށިހަނޑު ބުރި ބުރިކޮށްލާފައި ވާކަމަށް ތުރުކީގެ ފުލުހުން ބުނެފިއެވެ.
ޚަޝޯގީ މިމަހުގެ ދެވަނަ ދުވަހު ތުރުކީގައި ހުންނަ ސައުދީ އަރަބިއްޔާގެ ކޮންސިއުލޭޓަށް ދިޔަ ފަހުން އެތަނުން ނުކުމެފައެއް ނުވެއެވެ.
ޖަމާލް ޚަޝޯގީ ސައުދީ އަރަބިއްޔާގެ ކޮންސިއުލޭޓަށް ވަންނަނީ
ޚަގޯޝީ މަރާލާފައި ވާއިރު އޭނަ މަރަލިކަމުގެ ހެކިފެންނަ އޯޑިއޯ ކްލިޕެއްގެ ރެކޯޑިން އެއް އޮތްކަމަށް އޮފިޝަލުންބުނެއެވެ. އެއީ ޚަޝޯގީ މި އޮކްޓޯބަރު މަހުގެ ދެވަނަ ދުވަހު ސައުދީ ކޮންސިއުލޭޓަށް ވަނުމުގެ ކުރިންް އޭނާގެ އަތުކުރީގައި އޮތް އެޕަލް ގަޑީގައިވާ ރެކޯޑަރު އޮން ކޮށްފައިވާތީއޭނާއާ ސުވާލުކޮށް އަނިޔާކޮށް މަރައިލި އިރުގެ ހުރިހާ އަޑުތަކެއް އެ ގަޑިއަށް ރެކޯޑްވެ، އޭނާގެ ފޯނަށާއި އައި ކްލައުޑަށް އޯޑިއޯ ފައިލް ގޮސްފައިވާ ކަމަށް ރިޕޯޓްތައް ބުނެއެވެ.
ތުރުކީގެ އޮފިޝަލުން ބުނެފައިވަނީ ރިކޯޑިންގ އަށްބަލާއިރު ޚަޝޯގީ އަށް އަނިޔާކުރި މީހުން އޭނާ ދިރިހުއްޓާ ވަނީ ފަހަރަކު އިނގިޔެއް ކޮށާލާފައެވެ. އަދި އެއަށްފަހު އޭނަގެ ހަށިގަނޑު ކުދިކުދިކޮށް ކޮށާލާފައެވެ. އޮފިޝަލުންނާ ހަވާލާދީ ބައެއްމީޑިއާ ތަކުގައި ބުނެފައިވަނީ ޚަޝޯގީ މަރާލުމަށް އެހެންބަޔަކު ޕްރައިވެޓް ޖެޓްތަކުގައި ގެނެސް އަދި ހަމަ އެދުވަހު އެމީހުން ފުރުވާލާފައި ވާކަމުގެ ހެކިފެންނަން އެބަހުރިކަމަށެވެ.
ޖަމާލް ޚަޝޯގީއަކީ، ސައުދީ ރަސްކަމާއި އަދި ހާއްސަކޮށް ސައުދީ އަރަބިއްޔާގެ މިހާރުގެ ނުފޫޒުގަދަ ވަލީއަހުދު މުހައްމަދު ބިން ސަލްމާންއާއި އޭނާގެ ސިޔާސަތުތަކާ ދެކޮޅު ލިއުންތައް ލިޔާ މީހެކެވެ. އެމެރިކާގައި އުޅުމަށްފަހު އޭނާ ތުރުކީއަށް ބަދަލުވިތާ އަދި އަހަރެއް ވެސް ނުވެއެވެ.
