ހުޅުމާލޭގައި މިރޭނިހިގި ނުރައްކާތެރި އެކްސިޑެންޓްގައި ސީރިއަސް އަނިޔާތަކެއް ލިބުމުން ފަރުވާދެމުން ގެނދިޔަ އުމުރުން 24 އަހަރުގެ ޒުވާނާ ނިޔާވެއްޖެއެވެ.
އޭނާ ނިޔާވެފައި ވަނީ ޓްރީޓޮޕް ހޮސްޕިޓަލްގައި ފަރުވާދެމުން ގެންދަނިކޮށެވެ.
ހަބަރު ލިބިފައިވާ ގޮތުގައި އެކްސިޑެންޓްގައި ނިޔާވި ޒުވާނާ އަކީ ޖޮގިންނިންމާލާފައި ގެޔަށް ދިޔަޒުވާނެކެވެ. ހުޅުމާލެ ސްންޓްރަލް ޕާރކް ކައިރީގައި ހިނގި މި އެކްސިޑެންޓްގައި ހިނގާފައި ދިޔަ ޒުވާނާގެ ގައިގައި ޖެހިފައިވަނީ ބާރު ސްޕީޑެއްގައި ދުއްވާފައި ދިޔަސައިކަލެއް ކޮންޓްރޯލްނުވެގެންނެވެ.
ސައިކަލްގައި ތިބި ދެ ޒުވާނުންގެ ތެރެއިން އެކެއްގެ ބޯފަޅައިގެން ގޮސް މިހާރު އޭނާ އަށް އޭޑީކޭގައި ފަރުވާދެމުން ގެންދާކަމަށް މައުލޫމާތު ލިބެއެވެ. ސައިކަލްގައި އިން އަނެއް ޒުވާނާއަށް އެހާބޮޑު އަނިޔާއެއް ލިބިފައި ނުވާއިރު އޭނާއަށް ފަރުވާދެމުންދަނީ ހުޅުމާލޭ ހޮސްޕިޓަލްގައެވެ.
