ރޯދަމަހަށް ހާއްސަކޮށްގެން މިގެނެސްދޭ ޑްރިންްކްސްގެ ތެރެއިން މިއަދު މިގެނެސްދެނީހައި ޕްރޮޓީން އެކުލެވޭ ސްމޫތީއެކެވެ. ރޯދައަށް ހުރުމަށްފަހު ރޯދަ ވީއްލާ ގަޑީގައި ހަށިގަނޑަށް ފައިދާ ހުރި ބުއިމެއް އިޙްތިޔާރު ކޮށްލުމަށް މި ސްމޫތީ ބޭނުން ކޮށްލެވިދާނެއެވެ.
ބޭނުންވާތަކެތި: (ދެ ތައްޓަށް)
1 ޖޯޑު ފިނިކޮށްފައި ހުރި ބްލޫބެރީސް
1 ދޮންކެޔޮ ފިނިކޮށްފައި
5 ސްޓްރޯބެރީ ފިނިކޮށްފައި
1 ޖޯޑު ކިރު
1 ސައިސަމްސާ ހަކުރު
4 އައިސްކިއުބް
ތައްޔާރު ކުރާނެގޮތް:
ދޮންކެޔޮ، ސްޓްރޯބެރީ،ބްލޫބެރީ، ހަކުރު އަދި ކިރު މިކްސަރަށް އެޅުމަށްފަހު ރަނގަޅަށް ގިރާލާށެވެ. ދެން އައިސްކިއުބް އެޅުމަށްފަހު އަނެއްކާ ގިރާލާށެވެ. ތައްޔާ ކުރެވުނު ސްމޫތީ ދެ ތައްޓަށް އަޅާފައި ގާނިޝްކޮށްލުމަށް ބްލޫބެރީ މައްޗަށް އަޅާފައި ސަރވް ކޮށްލާށެވެ.
