މަޝްހޫރު ދީނީ އިލްމުވެރިޔާ ޑރ. އަބްދުލް މަޖީދު އަބްދުލްބާރީގެ ޖަނާޒާ ސްރީ ލަންކާގައި ބާއްވައިފި އެވެ
މިއަދު މެންދުރު ނަމާދަށް ފަހު ޑރ.މަޖީދުގެ ޖަނާޒާ ބާއްވާފައިވަނީ ލަންކާގެ ޖާވައްތަ ޖުންމާ މިސްކިތުގެ ގަބުރުސްތާނުގަ އެވެ. ޑރ.މަޖީދުގެ ޖަނާޒާގައި ކުރީގެ ރައީސް މުހައްމަދު ނަޝީދާއި އިސްލާމިކް ޔުނިވަސިޓީގެ ޗާންސެލަރު ޑރ. މުހައްމަދު ޝަހީމް އަލީ ސައީދުގެ އިތުރުން ގިނަ އަދަދެއްގެ ދިވެހިންވަނީ ބައިވެރިވެފައެވެ
ޑރ. މަޖީދުގެ މައްޗަށް ޣައިބުގައި ކުރާ ކަށުނަމާދު ރާއްޖޭގެ ހުކުރު ކުރާ ހުރިހާ މިސްކިތެއްގައި މިރޭގެ އިޝާ ނަމާދަށް ފަހު ކުރުމަށްވަނީ ހަމަޖެހިފައެވެ.މީގެ އިތުރުން މިރޭ މަޣްރިބް ނަމާދަށް ފަހު، މައްކާގެ މަސްޖިދުލް ހަރާމްގަ އާއި މަދީނާގައި ހުންނަ މަސްޖިދުއް ނަބަވީގެ އިތުރުން ތާއިފްގެ މިސްކިތުގައި ވެސް މަޖީދުގެ މައްޗަށް ޣައިބަށް ކަށުނަމާދުކުރުމަށްވަނީ ހަމަޖެހިފައެވެ
