ކުރީގެ އިސްލާމިކް މިނިސްޓަރު ޑރ. އަބްދުލް މަޖީދު އަބްދުލް ބާރީގެ ސިއްހީ ހާލުކޮޅު ކުއްލި ގޮތަކަށް ގޯސްވެ، ސްރީލަންކާގެ ލަންކާ ހޮސްޕިޓަލުގެ އައިސީޔޫގައި ފަރުވާ ދޭން ފަށައިފި އެވެ.
މައުލޫމާތު ލިބިފައިވާ ގޮތުގައި ޑރ މަޖީދުގެ ހާލުކޮޅު ސީރިއަސްވެފައިވަނީ ލަންކާގައި ހުންނަވަނިކޮށެވެ. ހޮސްޕިޓަލަށްވެސް ގެންގޮސްފައިވަނީ ރޭ ކޮޓަރީގައި ވެއްޓިފައި އޮއްވައެވެ.
ކުރިންވެސް ސިއްހީ މައްސަލައަކާއި ގުޅިގެން ޑރ މަޖީދުގެ ވަނީ އޮޕަރޭޝަނެއް ކުރެވިފައެވެ. މައުލޫމާތު ލިބޭގޮތުގައިމިފަހަރުވެސް ހާލުކޮޅު ސީރިއަސްވެފައިވަނީ އެކަމާއި ގުޅިގެންނެވެ.
ޑރ. މަޖީދަށް އައިސީޔޫގައި ފަރުވާގެމުންދާއިރު ދިމާވީ ކޮންކަހަލަ ސިއްޙީ މައްސަލައެކަމާއި އަދި މިހާރު ހާލު ކޮޅުހުރިނެތް ގޮތުގެ މައުލޫމާތެއް އަދިވަނީ ސާފުވާގޮތްނުވެފައެވެ.
