ބޭނުންވާ ތަކެތި

1 ½ ކުކުޅު މަސް (ކަތިކޮށް ފޮތިފޮއްޗަށް ކޮށާފައި)

1 ސައި ސަމްސާ މުގުރި މިރުސް

ރަހަލާވަރަށް ލޮނު

1 ސައިސަމްސާ ޖިންޖާ ގާރލިކް ޕޭސްޓް

½ ސައިސަމްސާ ގަރަމް މަސާލާ

1 މޭޒުމަތީ ސަމްސާ ކޯންފްލާރ

1 މޭޒުމަތީ ސަމްސާ ފުށް

1 ބިސް

1 މޭޒުމަތީ ސަމްސާ ލުނބޯ ހުތް

ތެޔޮ (ކުކުޅު މަސް ތެލުލެވޭ ވަރަށް)

½ ޖޯޑު ޔޯގަޓް

1 ސައި ސަމްސާ މުގުރި މިރުސް

½ ސައި ސަމްސާ ފުށް

ކުޑަ ތެޔޮފޮދެއް

1 ސައި ސަމްސާ ދިރި

1 ސައި ސަމްސާ މަސްޓަޑް ސީޑް

3 ހިކި މިރުސް

ހިކަނދިފަތް

2 ސައިސަމްސާ ހުނި

ތައްޔާރު ކުރާނެގޮތް

ބޯ ތައްޓަކަށް ކޮށާފައި ހުރި ކުކުޅު މަސްކޮޅު އަޅާފައި އޭގެތެރެއަށް މުގުރިމިރުސް،ލޮނު،ޖިންޖާ ގާލިކް ޕޭސްޓް،ގަރަމް މަސާލާ،ކޯންފްލާރ،ފުށް، ބިސް އަދި ލުނބޯހުތް އަޅާފާއި ރަނގަޅަށް އެއްކޮލާށެވެ.އެއަށްފަހު ތަވައަކަށް ތެޔޮއަޅާފައި ހޫނުވީމާ ކުކުޅުމަސްތައް އަޅާފައި މުރަނަ ވަންދެން ތެލުލުމަށްފަހު ނަގާލާށެވެ.ދެން ޔޯގަޓް،މުގުރި މިރުސް އަދި ފުށް ކޮޅު އަޅާ އެއްކޮށްލާފައި ބަހައްޓާށެވެ.އެއަށްފަހު އެހެން ތަވައެއްގައި ތެޔޮފޮދެއްް ހޫނު ކޮށްލުމަށްފަހު ދިރި،މަސްޓަޑް ސީޑް،ހިކިމިރުސް،ހިކަނދިފަތް އަޅާ ކުޑަކޮށް ވަޅޯކޮށްލުމަށްފަހު އޭގެ ތެރެއަށް ޔޯގަޓް މިކްސްޗަރ އާޅާލާފައި ކުޑަކޮށް ކައްކާލުމަށްފަހު ތެލުލާފައި ހުރި ކުކުޅު މަސްތައް އާޅާ އެއްކޮށްލާށެވެ.އިރުކޮޅަކަށް ކައްކާލުމަށްފަހު ހުނި ކޮޅު އަޅާ އެއްކޮށްލާފައި އުދުންމަތިން ބާލާށެވެ.