އިންޑޮނޭޝިއާގެ ކަނޑުގެ ސަރަހައްދަށް އައި ބާރުގަދަ ބިންހެލުމާއި ގުޅިގެން ރާއްޖެއަށް އެ ބިންހެލުމުގެ އަސަރެއް ނުކުރާނެ ކަމަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ބުނެފިއެވެ.
މި ބިންހެލުން އައިސްފައިވަނީ ރާއްޖޭގެ ވެރިރަށް މާލެއާ 2581 ކިލޯމީޓަރު ދުރަށެވެ.
މެޓް އޮފީހުން ބުނީ، މިއަދު ހެނދުނު އިންޑޮނޭޝިއާގެ ސުމަޓްރާއަށް ކައިރިން ކަނޑުގެ ސަރަހައްދަށް އައި 6.1 ގެ ބާރުމިނުގެ ބިން ހެލުމެއް އައިސްފައިވާ ކަމަށެވެ. އެހެންނަމަވެސް ރާއްޖެއަށް ބިންހެލުމުގެ ނުވަތަ ސުނާމީގެ އަސަރު ކުރާނެ ކަމަށް ލަފާނުކުރެވޭ ކަމަށް މެޓުން ވަނީ ބުނެފައެވެ.
އުތުރު ސުމަޓްރާއަށް މި ބިންހެލުން އައިސްފައިވާއިރު، މި ބިންހެލުމާއި ގުޅިގެން ސުނާމީގެ އިންޒާރު ނެރެފަައެއް ނުވެއެވެ.
