އޭއޯ ރޯދައިގެ ބަދިގެ އަކީ ކޮންމެ އަހަރެއްގެ ވެސް ރަމަޟާން މަހަށް ޚާއްޞަ ކޮށްގެން އޭއޯ ނިއުސް އިން ގެނެސްދޭ ޚާއްޞަ ކޮލަމެކެވެ. މި ގޮތުން ރޯދަ މަހުގެ14 ވަނަ ދުވަހަށް ޚާއްޞަ ކޮށްގެން މިގެނެސްދެނީ ވަރަށް ތަފާތު އަދި މީރު “ ޗިކެން ލަޒާނިއާ” ތައްޔާރުކުރާނެ ގޮތެވެ.
ބޭނުންވާ ތަކެތި:
4 ޖޯޑު އޮލިވް އޮއިލް
ލަޒާނިއާ ޕެކެޓެއް
500 ގްރާމް ޗީޒް (ޗެޑަރ ޗީޒް)
1 ޖޯޑު ޕާމޭސަން ޗީޒް (ގާނާފައި، މައްޗަށް އެޅުމަށް)
2 ފިޔާ (ތުނިކޮށް ކޮށާފައި)
2 ލޮނުމެދު (ގާނާފައި)
1 ކިލޯ ބޯންލެސް ކުކުޅު (ކުދިކޮށް ކޮށާފައި)
2 ޖޯޑު ޓޮމާޓޯ ސޯސް
2 ދަޅު ޕީލްޑް ޓޮމާޓޯ
2/1 1 ޖޯޑު ޓޮމާޓޯ ޕިއުރީ
2/1 ޖޯޑު ފެން
2/1 1 ޓީސްޕޫން ލޮނު
1 ޓީ ސްޕޫން މުގުރި އަސޭމިރުސް
1 ޓީ ސްޕޫން ބޭސިލް
2 ބޭ ލީވްސް
2 ޖޯޑު މަޝްރޫމް (ކޮށާފައި)
ތައްޔާރުކުރާނެ ގޮތް:
ތެއްޔެއް އުނދުން މައްޗަށް އުދައި އޮލިވް އޮއިލް އަޅައިލާށެވެ. ހޫނުވުމުން ލޮނުމެދު ، ފިޔާ އެއްކޮށް އަޅައިލައިފައި މޯޅިވީމާ ކުކުޅު ކޮޅު އަޅައިލާށެވެ. ކުކުޅުކޮޅު ކެއްކުނީމާ ޓޮމާޓޯ ސޯސް، ޕިއުރީ އަދި ސޯސްގެ ހުރި ބާވަތެއް އެއްކޮށްފައި ސޯސްގަނޑަކަށް ވަންދެން ކައްކާފައި ބޭ ލީވްސްކޮޅު ނަގައިލާށެވެ.
ދެން ބޮޑު ތެއްޔަކަށް ފެން އަޅާފައި އުނދުން މައްޗަށް އުދާލާށެވެ. 1/3 ޖޯޑު އޮލިވް އޮއިލް ވެސް އެއްކޮށްފައި ކެކިގަތީމާ ލަޒާނިއާ ، ފަހަރަކު ސީޓެއް އަޅަމުން ތަތް ނުލަވާ ގޮތަށް އަޅައިފައި މަޑުވަންދެން ކެކުނީމާ ނަގައިފައި އޮލިވް އޮއިލް އެއްކޮށްފައި ބަހައްޓާށެވެ.
ދެން ސޯސްގަނޑު ނަގައިފައި ލަޒާނިއާ ބޭކިން ޓްރޭއެއްގައި ފަހަރަކު ފޮއްޗެއް ލޭޔަރަކަށް އަތުރާލާފައި ސޯސް މަތީގައި ފަތުރާލާފައި މައްޗަށް ޗީޒް އަޅާލާފައި މިގޮތަށް ލޭޔަރު ލޭޔަރަށް ދެބައި ހުސްވަންދެން ހަދައިފައި އެއް ގަޑި އިރުވަންދެން އަވަނުން ފިހެލާށެވެ.
