އޭއޯ ރޯދައިގެ ބަދިގެ އަކީ ކޮންމެ އަހަރެއްގެ ވެސް ރަމަޟާން މަހަށް ޚާއްޞަ ކޮށްގެން އޭއޯ ނިއުސް އިން ގެނެސްދޭ ޚާއްޞަ ކޮލަމެކެވެ. މި ގޮތުން ރޯދަ މަހުގެ13 ވަނަ ދުވަހަށް ޚާއްޞަ ކޮށްގެން މިގެނެސްދެނީ ވަރަށް ތަފާތު އަދި މީރު ފޮނިއެއްޗެއް ކަމަށްވާ “ ސްޓްރޯބެރީ އައިސްކްރީމް ކޭކް ” ތައްޔާރުކުރާނެ ގޮތެވެ.
ބޭނުންވާތަކެތި:
250ގ ކްރީމް ޗީޒް
1 ސްކޫޕް ސްޓްރޯބެރީ އައިސްކްރީމް
1 ޖޯޑު ގްރަހަމް ކްރެކާޒް ހިމުންކޮށްފައި (ނުވަތަ މާރީ ބިސްކޯދު )
1 ޖޯޑު ސްޓްރޯބެރީ ކުދިކޮށް ކޮށާފައި
200ގ ޑާކް ޗޮކްލެޓް
ތައްޔާރުކުރާނެ ގޮތް:
ބޯތައްޓެއްގައި ކްރީމް ޗީޒްކޮޅު މިކްސަރަކުން ރަނގަޅަށް އޮމާންވަންދެން ބްލެންޑްކޮށްލާށެވެ. ދެން އައިސްކްރީމް އަޅައި ރަނގަޅަށް އެއްކޮށްލާށެވެ. އެއަށްފަހު ހިމުންކޮށްފައި ހުރި ގްރަހަމް ކްރެކާޒް އަދި ސްޓްރޯބެރީ އައިސްކްރީމް އަޅައި މިކްސްކޮށްލާށެވެ. ދެން ޓްރޭއެއްގައި މިބައި ފަތުރާލުމަށްފަހު އައިސް އަލަމާރީގައި ބަހައްޓާށެވެ. ހަ ގަޑިއިރުފަހުން ޓްރޭ އައިސް އަލަމާރިން ނަގައި، އޭގެ މައްޗައް ޗޮކްލެޓް ވިރުވާލައިފައި އަޅާލާށެވެ. މީރުކޮށްލަން ގްރަހަމް ކްރެކާޒް ކޮޅެއް ކޭކް މައްޗަށް ބުރުވާލާށެވެ.
