މިއަހަރުގެ ރޯދަ މަހު އުމްރާއަށް ދާ މީހުންނަށް ފަސޭހަކަމާއެކު ޑޮލަރު ލިބޭނެ ޚާއްސަ އިންތިޒާމެއް ބޭންކް އޮފް މޯލްޑިވްސް (ބީއެމްއެލް) އިން ހަމަޖައްސައިފިއެވެ.
ބީއެމްއެލްއިން ހާމަކުރާ ގޮތުގައި އުމްރާ ގްރޫޕްތައް މެދުވެރިކޮށް ދަތުރުކުރާ ފަރާތްތަކަށް ޑޮލަރު ދޫކުރުން ކުރިއަށްދާނީ ފެބްރުއަރީ 8 އިން 26 ގެ ނިޔަލަށް، ބޭންކު ހުޅުވާ ދުވަސްތަކުގައެވެ.
ޚިދުމަތް ދޭ ގަޑިއާއި ތަން:
ވަގުތު: ހެނދުނު 9:30 އިން މެންދުރު 12:30 އަށް.
ތަން (މާލެ): އަމީނީ މަގުގައި ހުންނަ ބީއެމްއެލް ކަސްޓަމަ ސާވިސް ސެންޓަރު (ގްރައުންޑް ފްލޯ). އެތަނުން ކިއު ނަންބަރު ނެގޭނެއެވެ.
ތަން (އަތޮޅުތެރެ): އަތޮޅު ތެރޭގައިނަމަ އެ ރަށެއްގައި ހުންނަ ބީއެމްއެލް ބްރާންޗުން.
މި މުއްދަތުގައި މާލެ، ހުޅުމާލެ އަދި ވިލިމާލޭގެ ބްރާންޗުތަކުން އުމްރާވެރިންނަށް ޑޮލަރު ވިއްކުން މެދުކަނޑާލާނެ ކަމަށް ބޭންކުން މައުލޫމާތު ދެއެވެ.
ޑޮލަރު ނެގުމުގައި ސަމާލުކަންދޭންވީ ކަންކަން:
ލިމިޓް: ކޮންމެ އުމްރާވެރިއަކަށް ގިނަވެގެން 500 ޑޮލަރު.
ލިސްޓް: ޑޮލަރު ވިއްކާނީ ގްރޫޕްތަކުން ބޭންކަށް ހުށަހަޅާފައިވާ ލިސްޓުގައި ނަން ހިމެނޭ މީހުންނަށް އެކަންޏެވެ.
ތަކެތި: ޑޮލަރު ނަގަން ދާއިރު އުމްރާވެރިޔާގެ އައިޑީ ކާޑު ނުވަތަ ޕާސްޕޯޓުގެ އަސްލު ގެންދަން ވާނެއެވެ.
ބަދަލުގައި މީހަކު ދިއުން: އެހެން މީހެއްގެ ބަދަލުގައި ޑޮލަރު ނަގަން ދާނަމަ، ދާ މީހާގެ އައިޑީ ކާޑުގެ އަސްލު ވެސް ގެންދަން ޖެހޭނެއެވެ. އެކަކަށް ޖުމްލަ 5 މީހުންނަށް ޑޮލަރު ނެގޭނެއެވެ.
ފައިސާ ދެއްކުން: ފައިސާ ދެއްކޭނީ ހަމައެކަނި ބީއެމްއެލް ޑެބިޓް ކާޑުންނެވެ.
މި ޚާއްސަ އިންތިޒާމުގެ އިތުރުން، އާންމު އުސޫލުގެ ދަށުން ބީއެމްއެލްގެ އޮންލައިން ޕޯޓަލް މެދުވެރިކޮށް ބުކިން ހަދައިގެން، ވެލާނާ އިންޓަނޭޝަނަލް އެއާޕޯޓުން ޑޮލަރު ނެގުމުގެ ފުރުސަތު ވެސް އުމްރާވެރިންނަށް އޮންނާނެއެވެ.
