އައްޑޫ ލިންކު ރޯޑު ތަރައްގީކުރުމަށް ބޭނުންވާ ސާވޭގެ މަަސައްކަތް ފަށާފައިވާކަމަށް ރޯޑް ޑިވެލޮޕްމަންޓް ކޯޕަރޭޝަން، (އާރްޑީސީން) ބުނެފިއެވެ.
އާރްޑީސީން ބުނީ ލިންކު ރޯޑު ތަރައްގީކުރުމުގެ އަމަލީ މަސައްކަތް ފެށިގެން ކުރިއަށްދާ ކަމަށާއި މިހާރު ކުރަމުންދަނީ ބޭނުންވާ ސާވޭގެ މަސައްކަތް ކަމަށެވެ އައްޑޫގެ އެތެރޭގެ މަގުތައް ހެދުމަށްވެސް ކުރަންޖެހޭ މަސައްކަތް ކުރަމުންދާކަމަށް އާރްޑީސީން ވަނީ ބުނެފައެވެ.
މީގެ އިތުރުން އެ ކުންފުނިން ބުނީ ފެބްރުއަރީ މަހުގެތެރޭގައި ސާވޭގެ މަސައްކަތް ނިންމާ މަގު ތަރައްގީކުރުމުގެ މަސައްކަތް ފެށޭނެ ކަމަށެވެ.
އައްޑޫ ލިންކް ރޯޑް ތަރައްގީކުރުމުގެ މަސައްކަތް އާރްޑީސީ އާއި ހަވާލުކޮށްފައިވަނީ 2025 ވަނަ އަހަރުގެ އެޕްރީލް މަހުގެ ތެރޭގައެވެ.
އައްޑޫ ލިންކް ރޯޑް ވަރަށް ބޮޑަށް ހަލާކުވެފައިވާއިރު، މިކަމާއި ގުޅިގެން އެ ސިޓީގެ ގިނަ ބަޔަކު އަންނަނީ ކަންބޮޑުވުންފާޅުކުރަމުންނެވެ.
