މި ބީލަމުގައި ބައިވެރިވާން ބޭނުންވާ ފަރާތްތަކުން އަންނަ 2026 ވަނަ އަހަރުގެ ޖަނަވަރީ މަހުގެ 6 ވަނަ ދުވަހުގެ މެންދުރު 12:00 ގެ ކުރިން ރަޖިސްޓްރީ ކުރަންޖެހޭނެއެވެ. ރަޖިސްޓްރީ ކުރަން ޖެހެނީ [email protected] އަށް އީމެއިލް ކޮށްގެންނެވެ. މިނިސްޓްރީން ކަނޑައަޅާފައިވާ މުއްދަތުގައި ރަޖިސްޓްރީ ނުކުރާ ފަރާތްތަކަށް ބީލަން ހުށަހެޅުމުގެ ފުރުސަތު ނުލިބޭނެ ކަމަށް އެ އޮފީހުން ބުނެއެވެ. އަދި މިކަމާ ގުޅޭ އިތުރު މައުލޫމާތު ސާފުކުރަން ބޭނުންވާނަމަ ޖަނަވަރީ 8 ގެ ނިޔަލަށް ސުވާލު ފޮނުވުމުގެ ފުރުސަތު އޮންނާނެއެވެ.
ބީލަން ބަލައިގަތުން އޮންނާނީ 2026 ޖަނަވަރީ 15 ވާ ބުރާސްފަތި ދުވަހުގެ ހެނދުނު 11:00 ގައެވެ. ބީލަން ހުށަހަޅަން ޖެހޭނީ އެންވަޔަރަމެންޓް މިނިސްޓްރީ ހިންގާ ދަރުބާރުގެ ފާށަނާ މާލަމުގެ ރިސެޕްޝަނަށެވެ. ހުށަހަޅާ ބީލަންތައް ހުންނަންވާނީ ބަންދުކުރެވިފައިވާ ސިޓީއުރައެއްގައި ކަމަށާއި، ބީލަން ހުޅުވުން އޮންނާނީ ހަމަ އެ ދުވަހުގެ 11:05 ގައި ކަމަށް އިއުލާނުގައިވެއެވެ. މި ބީލަމުގެ މުއްދަތަކީ ބިޑް ހުށަހަޅާ ތާރީހުން ފެށިގެން 120 ދުވަހެވެ.
