ފިޠުރު ޢީދާއި ގުޅުވައިގެން ބޭއްވި “ޢީދު ހަވީރު”އަށް ލިބުނު ބޮޑު ތަރުހީބާއެކު ނިންމާލައިފިއެވެ.
ޤައުމީ ދިފާޢީ ބާރުން އިސްނަގައިގެން ސަރުކާރުގެ ބައެއް މުއައްސަސާތަކާ ސަރުކާރު ހިއްސާވާ ކުންފުނިތަކުގެ ބައިވެރިވުމާއެކު ކުރިއަށްގެންދިޔަ ޢީދު ހަވީރަށް ވަނީ އެތައް ހާސް ބަޔަކު ޒިޔާރަތްކޮށްފައެވެ.
މިޢީދު ހަވީރުގެ ހަަރަކާތްތައް އީދު ދުވަހުގެ ހަވީރު ސަލްޓަން ޕާކު، ޝަހީދުންގެ ބިނާ ސަރަހައްދު އަދި ޖުމްހޫރީ މައިދާނުގައި ވެސް ވަނީ ކުރިއަށް ގެންގޮސްފައެވެ.
މިއީ ފަހުގެ ތާރީޚެއްގައި މާލޭގައި ފިޠުރު ޢީދެއް މިހާ ކުލަގަދަކޮށް ފާހަގަކުރި ފުރަތަމަ ފަހަރެވެ. އެތަށް ހާސް ބަޔަކު އެއްތަނަކަށް ޖަމާވެ، އުފާފާޅުކޮށްލަން ލިބުނު އެންމެ އުފާވެރި އެއް ފުރުސަތެވެ.
ފިޠުރު ޢީދު ދުވަސް ކުލަގަދަކޮށް ފާހަގަކުރުމުގެ ގޮތުން ސަރުކާރުން އިންތިޒާމްކޮށްގެން ބާއްވާ “ޢީދު ހަވީރު”ގައި އެމްޓީސީސީއިން “އެމްޓީސީސީ އީދު ކޯޑީ” ގެ ނަމުގައި ހާއްސަ ސްޓޯލެއް ބަހައްޓައި، ހާއްސަ ހަރަކާތްތަކެއް ކުރިއަށް ގެންދިޔައެވެ. އަދި މި ހަވީރުގައި ވެމްކޯ، އެމްޓީސީސީ، އަދި އެމްއޭސީއެލް ފަދަ އެހެނިހެން ސަރުކާރު ކުންފުނިތަކުން ވެސް ތަފާތު ހަރަކާތްތަކެއް ވަނީ ކުރިއަށް ގެންގޮސްފައެވެ.
ފިޠުރު ޢީދު ދުވަހުގެ ޢީދު ހަވީރުގައި ރައީސުލްޖޫމްހޫރިއްޔާ ޑރ މުޙައްމަދު މުއިއްޒުގެ ޢާއިލާވެސް ބައިވެރިވެ ވަޑައިގެންނެވިއެވެ.
