އޭއޯ ރޯދައިގެ ބަދިގެ އަކީ ކޮންމެ އަހަރެއްގެ ވެސް ރަމަޟާން މަހަށް ޚާއްޞަ ކޮށްގެން އޭއޯ ނިއުސް އިން ގެނެސްދޭ ޚާއްޞަ ކޮލަމެކެވެ. މި ގޮތުން މި އަހަރުވެސް ތަފާތު ގިނަ އެކިވައްތަރުގެ މީރު ކެއުމާއި ބުއިން ތައްޔާރު ކުރާނެ ގޮތް މި ކޮލަމްގެ އެހީގައި އޭއޯ އިން ކޮންމެ ދުވަހަކުވެސް ގެނެސްދޭނެއެވެ.
އެގޮތުން ރޯދަ މަހުގެ ނަވާވީސް ވަނަ ދުވަހަށް ޚާއްޞަ ކޮށްގެން ރެސިޕީއެއްގެ ގޮތުގައި މި ގެނެސްދެނީ “ޕީނަޓް ބަނާނާ ސްމޫތީ”ތައްޔާރު ކުރާނެގޮތެވެ.
ބޭނުންވާތަކެތި:
6 މޭޒުމަތީ ސަމުސާ ޕީނަޓް ބަޓަރ
3 ވަށް ދޮންކެޔޮ
6 ކަދުރު (އޮށް ނަގާފައި)
1 ކަޕް ޕްލެއިން ޔޯގަޓް
300މލ ރޯކިރު (ފުލް ފެޓް)
ތައްޔާރުކުރާނެގޮތް:
ޕީނަޓް ބަޓާ، ކަދުރު ، ދޮންކެޔޮ، ޔޯގަޓް އަދި ކިރު ބްލެންޑަރ އަށް އަޅާފައި ރަނގަޅަށް ބްލެންޑް ކޮށްލާށެވެ. ދެން ބިއްލޫރި ތައްޓެއްނަގާފައި ތައްޓަށް ސްމޫތީއަޅާފައި ޕީނަޓް ބަޓަރ އަދި ދޮންކެޔޮ ބޭނުން ކޮށްގެން ރީތި ގޮަތަކަށް ގާނިޝް ކުރުމަށްފަހު ސާރްވް ކުރާށެވެ.
ނޯޓް: މި ޑްރިންކް ރަނގަޅުވާނީ ތައްޔާރުކޮށްގެން ވަގުތުން ބޯލުމުން ނެވެ.