އެމްއައި ކޮލެޖުން ދަރިވަރުންތަކެއް ދަނޑުވެރިކަމާބެހޭ ދިރާސާ ދަތުރެއްގައި ތައިލެންޑަށް މިއަދު ފުރައިފިއެވެ.
އެމްއައި ކޮލެޖުން ބުނީ ތައިލެންޑަށް ކުރި ތަޢުލީމީ ދަތުރުގައި ދަނޑުވެރިކަމުގެ ރޮނގުން ކުރިއަރާފައިވާ ކަންކަން ދިރާސާކުރުން ހިމެނޭކަމަށެވެ.
އެމްއައި ކޮލެޖުގެ ސްކޫލް އޮފް އެގްރިކަލްޗަރުން ތައިލެންޑަށް ކުރި މި ދިރާސީ ދަތުރަކީ 5 ދުވަހުގެ ދަތުރެކެވެ. މި ދަތުރުގައި ދަރިވަރުންނަށް އެ ޤައުމުގެ ކުރިއަރާފައިވާ ދަނޑުވެރިކަމުގެ އުކުޅުތަކުގެ ސީދާ ތަޖުރިބާ ލިބިގެންދާނެއެވެ. މި މަސައްކަތަކީ ދަރިވަރުންނަށް ތައިލެންޑުގެ އައު އުކުޅުތަކާއި، ދެމެހެއްޓެނިވި ދަނޑުވެރިކަމުގެ ނަމޫނާތަކާއި، ދަނޑުވެރިކަމުގެ ވިޔަފާރި ތަރައްޤީކުރުމުގެ ކަންކަން ދައްކައިދިނުމުގެ ތެރެއިން ނަޒަރީ މަޢުލޫމާތާއި ޢަމަލީ ތަޖުރިބާގެ ދެމެދުގައިވާ ގުޅުން ބަދަހިކޮށްދޭ މަސައްކަތެކެވެ.
މި ދަތުރުގައި ދަރިވަރުން ބެންކޮކުގައި ހުންނަ ދަނޑުވެރިކަމުގެ މާރުކޭޓަކަށް ޒިޔާރަތްކޮށް ތައިލެންޑުގެ ދަނޑުވެރިކަމުގެ ވިޔަފާރީގެ ދާއިރާ ހިނގާގޮތް ބަލައިލާނެއެވެ. މީގެ އިތުރުން، އޯކިޑް ދަނޑުތަކަށް މަޝްހޫރު ސަމް ފްރާން ސަރަޙައްދަށް ދަތުރުކޮށް، އޯކިޑް އިންދުމާއި ގަސްކާނާ ދިނުމުގެ ގޮތްތައް ދަސްކުރުމަށް ހަމަޖެހިފައިވެއެވެ.
އެމްއައި ކޮލެޖުން ތަޖުރިބާގެ އަލީގައި އުނގެނުމަށް އަހައްމިއްޔަތުކަން ދެމުން ގެންދާއިރު، މި ދަތުރަކީ ދަރިވަރުންނަށް ބައިނަލްއަޤްވާމީ ފެންވަރުގެ ހާމަކަމާއި ޢަމަލީ މަޢުލޫމާތު ފޯރުކޮށްދިނުމަށް އެ މުއައްސަސާއިން ކުރާ މަސައްކަތުގެ ހެއްކެކެވެ.
މިކަމުގެ ސަބަބުން ދިވެހިރާއްޖޭގެ ދަނޑުވެރިކަމުގެ ދާއިރާއަށް އެދެވޭ ހިއްސާއެއް ކުރުމަށް ދަރިވަރުންނަށް ބާރު ލިބިގެންދާނެއެވެ.
