އަންނަ އާދިއްތަ ދުވަހުން ފެށިގެން ހަތިޔާރާއެކު ސިފައިންގެ ތަމްރީންތަކެއް ހުޅުމާލެ ސަރަަޙައްދުގައި ކުރިއަށްގެންދާނެކަމަށް ދިފާޢީ ވުޒާރާއިން ވިދާޅުވެއްޖެއެވެ.
އެމްއެންޑީއެފްއިން ނެރުނު އިއުލާނެއްގައި ވަނީ މި ތަމްރީނުތައް ކުރިއަށް ގެންދާނީ ކޮންމެ އާދީއްތަ އަދި ބުރާސްފަތި ދުވަހެއްގެ ހަވީރު 4 އިން 6 އިން ކަމަށެވެ. އަދި ކޮންމެ އަންގާރަ ދުވަހެއްގެ ރޭ 10 އިން އަނެއް ދުވަހުގެ ފަތިހު 1 އަށް ކުރިއަށް ގެންދާނެ ކަމަށެވެ.
މި ތަމްރީނުތަކުގައި ސިފައިން ކޮމްބެޓް ގިޔަރުގައި ހަތިޔާރާއެކު ހަރަކާތްތެރިވާނެ ކަމަށްވެސް އެމްއެންޑީއެފް އިން ވިދާޅުވެފައި ވެއެވެ.
އެމްއެންޑީއެފްއިން މި މަޢުލޫމާތު ހާމަކޮށްފައިވަނީ އާންމު ރައްޔިތުންގެ މަޢުލޫމާތަށްޓަކައި ކަމަށް ވިދާޅުވެފައި ވެއެވެ.
