ގއ. ވިލިނގިލީގެ ރަށްވެހީންގެ ތެރޭގައި ނުހިމެނޭ ފަރާތްތަކަށް ވެސް އެ ރަށުން ގޯއްޗަށް އެދި ހުށަހެޅުމުގެ ފުރުސަތު ހުޅުވައިލިއިރު، އެ ފަރާތްތަކުގެ ތައުލީމީ ފެންވަރަށް ވެސް މާކްސްދޭގޮތަށް ނިންމައި އުސޫލު އާންމުކޮށްފިއެވެ.
ވިލިނގިލީ ރަށްވެހީންނަށް ދޫކުރާ 115 ގޯއްޗާއި، އެ ރަށަށް ރަށްވެހިކަން ބަދަލުކުރުމަށް އެދޭ ފަރާތްތަކަށް ޚާއްސަކޮށްފައިވާ 25 ގޯއްޗަށް އެދި ހުށަހެޅުމުގެ ފުރުސަތު މިދިޔަ އަހަރު ޑިސެމްބަރު 31 ވަނަ ދުވަހު ވަނީ ހުޅުވާލާފައެވެ. މި ބަންޑާރަ ގޯތިތަކުގެ ތެރޭގައި ހިމެނެނީ 2،000 އަކަފޫޓާއި 3،000 އަކަފޫޓާ ދެމެދުގެ ގޯތިތަކެވެ.
ވިލިނގިލީގައި ރަށްވެހިކަން ނެތް ފަރާތްތަކަށް ޕޮއިންޓުދިނުމުގައި ބަލާކަންކަމުގެ ތެރެއިން އެންމެ ފާހަގަކޮށްލެވޭ އެއްކަމަކީ ތައުލީމީ ދާއިރާއިން އެންމެ މަތިން ހާސިލްކޮށްފައިވާ ސަނަދުގެ ބައިން ޕޮއިންޓު ދިނުމެވެ. އެގޮތުން ޕޮއިންޓް ދޭ އުސޫލަކީ
މީގެ އިތުރުން ވިލިނގިލީގައި ނުވަތަ އެ ރަށާ ކައިރި ރިޒޯޓެއްގައި ނުވަތަ ކޫއްޑޫ އަދި ކޫއްޑޫ އެއާޕޯޓުގައި ވަޒީފާ އަދާކުރަމުންދާ ކޮންމެ އަހަރަކަށް ތިން ޕޮއިންޓު ލިބޭނެއެވެ. ކައިވެނިކޮށްގެން އުޅޭ ފަރާތެއް ނަމަ، 20 ޕޮއިންޓު، އަދި ލިބިފައިވާ ނުވަތަ ހަވާލުވެގެން ހުންނަ 18 އަހަރުން ދަށުގެ ކޮންމެ ދަރިއަކަށް ވެސް ތިން ޕޮއިންޓު ލިބޭނެއެވެ. މި އުސޫލުގައިވާ ގޮތުން، ވިލިނގިލީގެ ރަށްވެއްސަކަށް ނުވާނަމަ، 20 ޕޮއިންޓު ލިބޭނެއެވެ. އަދި އުމުރުން 30 އަހަރު ނުވަތަ އެއަށްވުރެ އުމުރުން ދޮށީނަމަ، 16 ޕޮއިންޓު ލިބޭނެއެވެ.
