ރާއްޖެއިން ތައިލެންޑަށް ކަނޑައަޅުއްވާފައި ހުންނަވާ ސަފީރުކަމަށް ފުވާދު ތައުފީގު އައްޔަންކުރައްވައިފިއެވެ.
މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައި ފުއާދު ތައުފީގަށް މަގާމުގެ ފަތްކޮޅު ހަވާލުކޮށްދެއްވީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުއެވެ.
ފުއާދު ތައުފީޤު ތައިލެންޑަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް، އައްޔަނުކުރެއްވުމުގެ ކުރިން ހުންނެވީ މިނިސްޓްރީ އޮފް ފޮރިން އެފެއާޒްގެ އެމްބަސެޑަރ އެޓް ލަރޖްގެ މަގާމުގައެވެ. ފުއާދު ތައުފީގަކީ އިލެކްޝަންސް ކޮމިޝަންގެ ރައީސްކަމުގެ މަގާމުވެސް ފުރުއްވާފައިވާ ބޭފުޅެކެވެ. އެގޮތުން އޭނާ އީސީގައި މަސައްކަތް ކުރައްވަން ފެއްޓެވީ 2008 ވަނަ އަހަރު އެވެ.
އޭގެ ފަހުން އީސީގެ ރައީސް ކަމަށް 2021 ވަނަ އަހަރުގެ ސެޕްޓެމްބަރު މަހުގެ 15 ވަނަ ދުވަހު އައްޔަންކުރެއްވި ފުވާދު ވަނީ ރާއްޖޭގައި މިހާތަނަށް ބޭއްވި ބޮޑެތި އިންތިހާބުތަކައި މުހިއްމު ދައުރެއް އަދާކުރައްވާފައެވެ.
