އުރީދޫ މޯލްޑިވްސްގެ ކޯލް ސެންޓަ އަށް އައިއެސްއޯ ސެޓްފިކެޓް ހާސިލުކޮށްފައިވާކަން އެ ކުންފުނިން އިއުލާންކޮށްފިއެވެ.
ރާއްޖޭގެ ފުރަތަމަ އައިއެސްއޯ ސެޓިފައިޑް ކޯލް ސެންޓަރުގެ އިތުރުން މި ސަރަހައްދުގެ ދެވަނަ އައިއެސްއޯ ސަޓިފައިޑް ކޮންޓެކްޓް ސެންޓަރަށް އުރީދޫ ކޯލް ސެންޓަރު ވެގެން ދިޔައިރު މިއީ ތާރީހީ ކާމިޔާބީއެއްކަމުގައި އުރީދޫ އިން ވަނީ ބުނެފައެވެ. އުރީދޫ އިން ވަނީ މި މުހިންމު ސެޓިފިކޭޝަންގައި އުރީދޫގެ އިން-ހައުސް ކޯލް ސެންޓަރުގެ އޮޕަރޭޝަންތަކާއި ކްލައިންޓް ކޯލް ސެންޓަރުގެ މެނޭޖްމަންޓް ހިމެނޭއިރު، ފެންވަރު ރަނގަޅު ހިދުމަތާއި ކަސްޓަމަރުންގެ ހިތްހަމަޖެހުމާއި އޮޕަރޭޝަނަލް އެކްސެލެންސްއަށް އުރީދޫއިން ދޭ އަހައްމިއްޔަތުކަން ކަމުގައި ބުނެފައެވެ.
މީގެ އިތުރަށް އުރީދޫ އިން ބުނީ އައިއެސްއޯ ސެޓްފިކޭޝަން ޕްރޮސެސް 2023 ވަނަ އަހަރުގެ ފެބްރުއަރީ މަހު ފެށުނު އިރު، ގާތްގަނޑަކަށް ދޮޅު އަހަރެއްހާ ދުވަހުގެ ތެރޭގައި އިންޓަނޭޝަނަލް މިންގަނޑުތައް ތަންފީޒުކުރުމާއި، ދެމެހެއްޓެނިވި ގޮތެއްގައި ކަންކަން ރަގަޅު ކުރެވޭނެ ގޮތްތައް ހޯދައި، އަދި އެސެސްމަންޓްތައް ކުރިއަށް ގެންދެވުނުކަމަށެވެ. އަދި މިކާމިޔާބީއިން ދައްކުވައިދެނީ، ބައިނަލްއަގްވާމީ ބެސްޓް ޕްރެކްޓިސްތައް ގެންގުޅުމަށާއި، މަސައްކަތް ކުރުމުގައި ގެންގުޅޭ މިންގަނޑުތަކާއި، ކޯލް ސެންޓަރުގެ އޮޕަރޭޝަންތަކުގައި ކަސްޓަމަރުންގެ ތަޖުރިބާގެ ފެންވަރު ރަގަޅުކުރުމަށް އުރީދޫ މޯލްޑިވްސްއިން ކުރަމުން ގެންދާ މަސައްކަތްކަމަށް އެ ކުންފުނިން ވަނީ ފާހަގަކޮށްފައެވެ.
މީގެ އިތުރުން އެ ކުންފުނިން ބުނީ މި ކާމިޔާބީއާއެކު އުރީދޫ މޯލްޑިވްސްއިން ރާއްޖޭގެ ކޯލް ސެންޓަރުތަކުގެ ކޮލިޓީއަށް އާ ބެންޗްމާކެއް ގާއިމްކޮށް، ކަސްޓަމަރުންނަށް ހިދުމަތުގެ ފެންވަރު ރަނގަޅުކަމުގެ ޔަގީންކަން ދޭކަމަށެވެ. އަދ، ޓެލެކޮމިއުނިކޭޝަންގެ ސަރަހައްދީ ލީޑަރެއްގެ މަގާމު އިތުރަށް ހަރުދަނާކޮށްފައިވާނެކަމަށް އެ ކުންފުނިން ވަނީ ބުނެފައެވެ. މި ސެޓްފިކޭޝަންގެ ސަބަބުން ކަސްޓަމަރުންނަށް އީޖާދީ ހިދުމަތް ދިނުމުގައި އުރީދޫއިން ކުރަމުން އަންނަ މަސައްކަތުގައި ޔަގީންކަމުގެ އިތުރުން، ރާއްޖޭގެ ޑައިނަމިކް މާކެޓުގެ ކުރިއަރަމުން އަންނަ ޑިމާންޑްތައް ފުއްދުމަށް ޓަކައި ރެޒިލިއަންޓް އަދި ހައި ޕާފޯމިން ސާވިސް އިންފްރާސްޓްރަކްޗާއެއް ބިނާކުރުމަށް އެ ކުންފުނިން ދޭ އަހަންމިއްޔަތުކަން ދޭކަމުގައި އުރީދޫ އިން ވަނީ ބުނެފައެވެ.
މި ސެޓްފިކޭޝަންގައި ކޯލް ސެންޓަރު މެނޭޖްމަންޓްގެ މުހިންމު ހުރިހާ ކަމެއް ހިމެނޭއިރު، އޭގެ ތެރޭގައި ސާވިސް އެފިޝަންސީ، ރެސްޕޮންސިބިލިޓީ، ކަސްޓަމަރުންގެ ހިތްހަމަޖެހުން، ޑޭޓާ ސެކިއުރިޓީ އަދި ސާވިސް ރިލައިބިލިޓީ ހިމެނޭކަމަށް އުރީދޫ އިން ވަނީ ބުނެފައެވެ. މި ސަޓިފިކޭޝަންގެ ސަބަބުން ކަސްޓަމަރުންނަށް އެންމެ ފެންވަރު ރަނގަޅު ހިދުމަތެއް ފޯރުކޮށްދިނުމަށް އުރީދޫއިން ކުރަމުން އަންނަ އަމާޒަށް އިތުރު ކުރިއެރުމެއް ލިބިގެންދާނެކަމަށް އެ ކުންފުނިން ވަނީ ބުނެފައެވެ. އަދި މީގެން ދައްކުވައިދެނީ އެ ކުންފުނިން މިހާރު ވެސް ސާވިސް އެކްސަލަންސް އަށް ކުރާ މަސައްކަތްކަމަށް އުރީދޫ އިން ވަނީ ބުނެފައެވެ.
އައިއެސްއޯ ސެޓްފިކޭޝަންގެ ދަށުން އުރީދޫ މޯލްޑިވްސްއަކީ ރާއްޖޭގެ އެކި ކަންކޮޅުތަކުގައި ތިބި ވަކިވަކި ކަސްޓަމަރުންނާއި ވިޔަފާރިތަކަށް އިތުބާރުކުރެވޭ ޕާޓްނަރެއްގެ ގޮތުގައި ހިމަނާފައިވާއިރު، ދުނިޔޭގެ ފެންވަރުގެ ހިދުމަތްތައް ފޯރުކޮށްދިނުމަށް އުރީދޫ މޯލްޑިވްސް އިން ކުރާ މަސައްކަތުގެ އަގު ވަޒަންކުރެއެވެ. އުރީދޫ މޯލްޑިވްސްއިން ޑިޖިޓަލް މޯލްޑިވްސްގެ ދަތުރު ކުރިއަށް ގެންދާއިރު، މި ސެޓިފިކޭޝަނަކީ ރާއްޖޭގެ ޓެލެކޮމް ދާއިރާއަށް ކުރިއެރުންތައް ހޯދުމުގެ ލެގަސީއަށް އިތުރުވި ޗެޕްޓަރެކެވެ.
