ގައުމަށް ބޭނުންވާ ތަފާތު ހުނަރުތަކުން ތަމްރީންވެގެން ވަޒިފާތަކަށް ނިކުތުމަކީ، ދަށް މަސައްކަތެއް ނޫންކަމަށާ، ޕްރޮފެޝަނަލް ދާއިރާ ތަކާއި އެއް ހަމައެއްގައި އިހްތިރާމް ލިބޭ ވަޒީފާތަކެއްކަމަށް މިނިސްޓަރ އޮފް ހަޔަރ އެޑިޔުކޭޝަން ޑރ. މަރްޔަމް މާރިޔާ ވިދާޅުވެއްޖެއެވެ.
އުފެއްދުންތެރި މަސައްކަތްތެރިންގެ ޖީލެއް ބީނާކުރުމަށް އެކިއެކި ޕްރޮގްރާމްތައް ހިންގުން ފަހިކުރުމަށްޓަކައި ތިން ފަރާތަކާއިއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި މިނިސްޓަރު ވިދާޅުވީ މިހާރު ގައުމަށް ބޭނުންވާ ދާއިރާތަކުން ހުނަރުވެރިން އުފެއްދުމަކީ މިހާރަށް ވަރަށް ބޭނުން ޖެހިފައިވާކަމެއްކަމަށެވެ. އަދި މިހާރަކަށް އައިސް ގިނަ މީހުންނަށް ބެލެވިފައި އޮންނަނީ، ގަބޫލްކުރެވިފައި އޮންނަނީ އަބުރުވެރި މަސައްކަތަކަށް ވަނީ ޕްރޮފެޝަނަލް ވަޒީފާތަށްކަމަށެވެ. އެހެންނަމަވެސް ހުނަރުތަކުން ތަމްރީން ވެވިގެން ވަޒީފާތަކަށް ނިކުތުމަކީވެސް އަބުރުވެރި މަސައްކަތެއްކަމަށް މިނިސްޓަރު ވިދާޅުވިއެވެ.
އެކެޑެމިކް ދާއިރާ އާއިއެއްގޮތަށް ހުނަރުތައް ތަރައްޤިކުރުމުގެ ދާއިރާ އަކީ އެއް ހަމައެއްގައި ވާ ދެކަންތައްކަން މުޖްތަމަޢުއަށްވެސް ގޮވާލާން ބޭނުންވޭ. އެއީ މިހާރު ގިނަބަޔަކު ދެކޭގޮތުގައި ޕްރޮފެޝަނަލް ސްކިލްސް އަކީ އަހައްމިއްޔަތުކަން ދޭންވާ ސްކިލްސް. އެހެންވެގެން މިހާ ހިސާބަށް ޤައުމު އައިސްފައިވާއިރު ގިނައީ އެދާއިރާތަކުން ކުރިޔަށްގޮސްފައިވާ ދަރިވަރުން. އެހެންނަމަވެސް ޤަބޫލުކުރަންޖެހޭ ހުނަރުތަކުން ކުރިއަރައިގެން ދިއުމަކީވެސް ހަމަ އިހްތިރާމް ލިބޭކަމެއްކަން
މީގެ އިތުރުން މިނިސްޓަރު ވިދާޅުވީމިހާރުވެސް ގްރޭޑް 10 އަކުން ނިމިފައިތިބި ދެ ހާހަށްވުރެ ގިނަކުދިން ނަށް ކެރިއަރގައިޑޭންސް ދޭނެ މަގުތައް ހޯދަން ޖެހިފައިވާކަމަށެވެ. އަދި މިފަދަ އެއްބަސްވުންތަކުގެ ސަބަބުން، ތަފާތު ދާއިރާތަކަށް ކުދިން އަހުލުވެރިކޮށް ހުނަރުތަކަށް ދަރިވަރުން ނެރުމަށް އެހީއަކަށް ވެގެންދާނެކަމަށެވެ.
