އުރީދޫ މޯލްޑިވްސް އިން ކުރިއަށް ގެންދާ ކޮންމެ ތިން ދުވަހަކުން ސައިކަލެއް ލިބޭ ހާއްސަ ޕްރޮމޯޝަންގެ 16 ވަނަ ނަސީބުވެރި އަކަށް ކ. ދިއްފުށި، މުހައްމަދު އިޔާން އަބްދުލް ރަހީމް ހޮވިއްޖެއެވެ.
އިއްޔެގެ ނަސީބުވެރި ފަރާތަށް ސައިކަލު މިހާރު ހަވާލުކޮށްފައިވާ ކަމަށް އުރީދޫ އިން ވަނީ ބުނެފައެވެ. އިޔާން އަށް އުރީދޫއިން ދީފައި ވަނީ އެއާބްލޭޑު 125 ގެ ކަޅާއި ރަތް ކުލައިގެ ސައިކަލެކެވެ.
މި ޕްރޮމޯޝަން ކުރިއަށް ގެންދިއުމަށް ހަމަޖެހިފައިވަނީ އަންނަ މަހުގެ 31 ގެ ނިޔަލަށެވެ. އުރީދޫއިން ބުނީ މި ޕްރޮމޯޝަންގެ ދަށުން ޖުމްލަ 30 ސައިކަލު ދިނުމަށް ހަމަޖެހިފައި ވާކަމަށެވެ.
އުރީދޫ ކަސްޓަމަރުން 250 ގެ ޕްރިޕެއިޑް ރީޗާޖު ކޮށްގެން، ނުވަތަ ޕޯސްޓްޕެއިޑް އަދި ސުޕަނެޓް ބިލް ދައްކައިގެން، ނުވަތަ ޑޭޓާ ޕެކޭޖެއް އެކްޓިވޭޓް ކޮށްލައިގެން ވެސް މި ޕްރޮމޯޝަންގައި ބައިވެރިވެވޭނެއެވެ. ހަމައެއާއެކު އުރީދޫގެ އާ ކަސްޓަމަރެއް ނަމަ، އުރީދޫގެ ހިދުމަތެއް ހޯދުމަށް 400 ރުފިޔާ ހަރަދު ކުރުމުން ވެސް މި ޕްރޮމޯޝަންގައި ބައިވެރިވެވޭނެއެވެ.
