ހެންވޭރު ގެއަކުން ވައްކަން ކުރި މައްސަލައާއި ގުޅިގެން ދެ މީހަކު ހައްޔަރުކޮށްފިއެވެ.
މި މައްސަލައިގެ ތުހުމަތުގައި ހައްޔަރުކޮށްފައިވަނީ ހ.ސަމާ ގްރީން، އިބްރާހީމް ޒަކަރިއްޔާ (33އ) އަދި ސ.ހިތަދޫ ކުރިނބޯށިގެ މުހައްމަދު ޒަރީރު (36އ)އެވެ
ފުލުހުން ބުނީ ހެންވޭރު ގެއަކުން ވައްކަން ކުރި މައްސަލައެއް ހުށަހަޅާފައިވަނީ މި މަހުގެ 14 ވަނަ ދުވަހު ކަމަށެވެ. ފުލުހުން ބުނީ ހައްޔަރުކުރި ދެ މީހުން އެގެއިން ވަގަށް ނަގާފައިވާ ކަމަށް ތުހުމަތު ކުރެވޭ ކަރަންޓު ބައެއް ތަކެތި ގެއެއްގެ ތެރޭގައި ފޯރުވާފައި ހުއްޓާ ފުލުހުން ހޯދާފައިވާ ކަމަށެވެ. ފުލުހުން ހޯދި ތަކެތިގެ ތެރޭގައި ލެޕްޓޮޕްތަކާއި، މޯބައިލު ފޯނު ތަކެއްގެ އިތުރުން އެހެނިހެން ތަކެތި ފެނިފައިވާކަމަށް ފުލުހުން ވަނީ ބުނެފައެވެ.
މި މައްސަލަ އާއި ގުޅިގެން ހައްޔަރުކުރި ދެ މީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް ވަނީ އަމުރުކޮށްފައެެވެ، މި މައްސަލައާއި ގުޅިގެން އިބްރާހީމް ޒަކަރިއްޔާ މިއަދު ކޯޓަށް ހާޒިރުކުރިއިރު ފުލުހުން ގެންދަނީ މި މައްސަލަ އިތުރަށް ތަހުގީގުކުރަމުންނެވެ.
