ކުޅުދުއްފުށި ފަޅުތެރޭގައި މަރުވެފައި އޮއްވައި ފެނުނު މީހާގެ ހަށިގަނޑުގެ ޕޯސްޓްމޯޓަމް ހަދަން ރާއްޖެއިން ބޭރަށް ފޮނުވުމަށް ނިންމާފައިކަމަށް ފުލުހުން ބުނެފިއެވެ.
މި މަހުގެ 11 ވަނަ ދުވަހު ކުޅުދުއްފުށި އުތުރު ބަނދަރު ފަޅުތެރޭގައި މަރުވެފައި އޮއްވާ ފެނުނީ، އެރަށު ޑެއިޒީ ފެހި މުހައްމަދު ހަސަން (36އ.) އެވެ.
މި މައްސަލަ ފުލުހުން ތަހުގީގުކުރަމުން އަންނައިރު، މި މަހުގެ 10 ވަނަ ދުވަހު ނ. ހޮޅުދޫއިންވެސް ޒަހަމްތަކަކާއެކު އަންހެނެއްގެ ހަށިގަނޑު ފެނިފައެވެ. ނާގެ ހަށިގަނޑު މާލެ ގެނެސް، އިތުރު ތަހުލީލިތައް ކުރުމަށްފަހު އަނބުރާ ހޮޅުދޫއަށް ގެންގޮސް ވަޅުލާފައިވާއިރު މި ދެ މައްސަލައާއި ގުޅޭ ތަފްސީލުވެސް އަދި ފުލުހުން ހާމަކޮށްފައެއް ނުވެއެވެ.
