ޔޫތު މިނިސްޓްރީގެ ދެ ޑެޕިއުޓީ މިނިސްޓަރުން ކަމަށްވާ މަރިޔަމް ޝިއުނާ އާއި މަލްޝާ ޝަރީފް މަގާމުން އިސްތިއުފާ ދެއްވައިފިއެވެ.
އަވަށްޓެރި އިންޑިއާއާއި އެގައުމުގެ ބޮޑުވަޒީރު ނަރެންދުރަ މޯދީއަށް ކުޑައިމީސްވާގޮތަށް ސޯޝަލް މީޑިއާގައި ކުރެއްވި ޕޯސްޓުތަކަކާ ގުޅިގެން ޔޫތު މިނިސްޓްރީގެ ޑެޕިއުޓީ މިނިސްޓަރުކަމުން ޝިއުނާ އާއި މަލްޝާ ސަސްޕެންޑުކުރިތާ މިހާރު 9 މަސް ވަނީ ވެފައެވެ.
ސަސްޕެންޝަގައި ތިބޭތާ މަސް ތަކެއް ފަހުން މި ދެ ބޭފުޅުން މަގާމުން އިސްތިއުފާ ދެއްވީ މިއަދެވެ. އެކަން ދެ ބޭފުޅުންވެސް ވަނީ މީޑިއާއަށް ކަށަވަރު ކޮށްދެއްވާފައެވެ.
ޝިއުނާއާއި މަލްޝާއަކީ ރައީސް ޑރ. މުޙައްމަދު މުއިއްޒާ ވަރަށް އަރިސްކޮށް، އެ މަނިކުފާނު މާލޭގެ މޭޔަރުކަމުގެ މަގާމުގައި ހުންނެވި ދުވަސްވަރުން ފެށިގެން އުޅުއްވި ދެ ބޭފުޅުންނެވެ.
