ޕަބްލިކް ސަރވިސް މީޑިއާ، ޕީއެސްއެމްގެ މެނޭޖިންގ ޑިރެކްޓަރުކަމުގެ މަޤާމަށް ގ. ދިލްކަޝް، މުޙައްމަދު ސަޢީދު އައްޔަނުކުރައްވައިފިއެވެ.
އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީކަން ކުރިން ކުރެއްވި ސައީދު ދައުލަތުގެ މީޑިއާގެ އެންމެ އިސްވެރިޔާގެ މަގާމަށް ހަމަޖެއްސީ އިއްޔެއާ ހަމައަށް އެ މަގާމުގައި ހުންނެވި ޒީނާ ޒާހިރު އިސްތިއުފާ ދެއްވުމުންނެވެ.
މިކަމާއި ގުޅިގެން ޕްރައިވެޓައިޒޭޝަން ބޯޑުން ނެރުއްވި ބަޔާނުގައި ވިދާޅުވީ މުޙައްމަދު ސަޢީދު އައްޔަނުކުރައްވާފައިވަނީ މެނޭޖިން ޑިރެކްޓަރ އަދި ޑިރެކްޓަރުންގެ ބޯޑުގެ މެންބަރުކަމުގެ މަޤާމަށްކަމަށެވެ.
އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީކަން ކުރިން ކުރެއްވި ސައީދު ދައުލަތުގެ މީޑިއާގެ އެންމެ އިސްވެރިޔާގެ މަގާމަށް ހަމަޖެއްސީ އިއްޔެއާ ހަމައަށް އެ މަގާމުގައި ހުންނެވި ޒީނާ ޒާހިރު އިސްތިއުފާ ދެއްވުމުންނެވެ.
ސަޢީދު މި މަޤާމަށް އައްޔަނުކުރައްވާފައިވަނީ ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕްރަޓައިޒްކުރުމާއި އަދި މޮނިޓަރކޮށް އިވެލުއޭޓްކުރުމުގެ ޤާނޫނުގެ ދަށުންނެވެ.
މިދިޔަ އަހަރުގެ ނޮވެމްބަރު 28 ގައި ޕީއެސްއެމްގެ އެމްޑީއަކަށް ހަމަޖެއްސި ޒީނާ ކުއްލި ގޮތަކަށް އިއްޔެ ހަވީރު އިސްތިއުފާ ދެއްވި ނަމަވެސް .އިސްތިއުފާދެއްވެވި ސަބަބެއް ހާމަކުރައްވަވާފައެއް ނުވެއެވެ.
