މީގެ އިތުރުން ފުވައްމުލަކު ސިޓީގައި ހުންނަ ޏ. އަތޮޅު ތަޢުލީމީ މަރުކަޒުގެ ދަރިވަރުންނަށް، އެމްއެންޑީއެފް ސަދަން އޭރިއާ ކޮމާންޑުން، “މެޕް ރީޑިންގ އެންޑް ޕާތު ފައިންޑަރ” ސެޝަނެއް ވަނީ ކުރިއަށް ގެންގޮސްފައެވެ.
އެ މަރުކަޒުގައި މިހާރު ކުރިއަށްދާ ގާލްގައިޑު ކޭމްޕުގެ ތެރެއިން އޮގަސްޓް 3 ވަނަ ދުވަހު ކުރިއަށްގެންދިޔަ މި ސެޝަންގައި 58 ދަރިވަރުން ބައިވެރިވިއެވެ.
މި ސެޝަންގައި މެޕް ރީޑިންގއާ ގުޅޭގޮތުން ތިއަރީ ސެޝަންއެއް ވަނީ ނަގައިދީފައެވެ. މި ސެޝަންގައި ޗާޓެއް ބަލައިގެން އެއް ތަނުން އަނެއް ތަނަށް ދާނެ ގޮތްތައް ދަރިވަރުންނަށް ވަނީ ކިޔަވައިދީފައެވެ. އަދި ކިޔަވައިދެވުނު ބައިތަކުގެ ބޭނުންކޮށް، ލޮކޭޝަން ޕޮއިންޓްތަކެއް ދީ، އެ ތަންތަނަށް ދާނެ ގޮތުގެ ފަރިތަކުރުންތައް ވެސް މި ސެޝަންގެ ތެރެއިން ވަނީ ކުރިއަށް ގެންގޮސްފައެވެ.
މި ސެޝަންގައި މުދައްރިބުންގެ ގޮތުގައި މަސައްކަތްކޮށްފައިވަނީ އެމްއެންޑީއެފް ސަދަން އޭރިއާ ކޮމާންޑްގެ ސިފައިންނެވެ.
