ކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައެއްގެ ތަހުގީގަށް ދެ މީހަކު ހޯދުމަށް އެމީހުންގެ ވަނަވަރު އާންމުކޮށްފިއެވެ.
މި މައްސަލައިގެ ތަހުގީގަށް ފުލުހުން ހޯދަމުން ދަނީ ޢަލީ ރަޝީދު، ކ. މާލެ / ދަފްތަރު ނަމްބަރު ދރ 1387 (45އ)އެވެ. ފުލުހުން ވަނީ ށ. ފުނަދޫ ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 ޖޫން 10 ވަނަ ދުވަހުގެ 10:00 އަށް އަންގާފައެވެ.
މީގެ އިތުރުން ދެން ފުލުހުން ހޯދަމުން ދަނީ ލުޤުމާން އިސްމާޢީލް، ކ. މާލެ / ހ. އަނަސަމް (31އ)އެވެ. އޭނާވެސް ށ. ފުނަދޫ ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 ޖޫން 10 ވަނަ ދުވަހުގެ 14:00 އަށް ހާޒިރުވުމަށް ވަނީ އަންގާފައެވެ.
ފުލުހުން ބުނީ ށ. ފުނަދޫ ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައެއްގެ ތަހުގީގަށް ދެ މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގާ ކަމަށެވެ.
