ފާނަ މަސްވެރިިކަމުގައި އުޅުނު މީހެއްގެ ގައިގައި ލޯންޗަކުން ޖެހި މަރުވެއްޖެއެވެ.
މަރުވެފައިވަނީ ފ. ފީއަލީ “ޓްވިންސް” ދޯނިން ފާނަ މަސްވެރިކަމަށް ފައިބާ އުޅުނު ބިދޭސީ އެކެވެ.
ފުލުހުން ބުނީ އދ.މަގެތީ ކައިރިއަށް ފާނަ މަސްވެރިކަމަށް ފައިބާ އުޅުނު މީހެއް ގައިގައި ލޯންޗަކުން ޖެހުނު ކަމުގެ މައުލޫމާތު މިއަދު 7:55 ހާއިރު ރިޕޯޓްކޮށްފައިވާކަމަށެވެ. އދ.ދަނގެތީ ސިއްހީ މަރުކަޒާ ހަވާލާދީ ފުލުހުން ބުނީ އެމީހާ ސިއްހީ މަރުކަޒަށް ގެންދިޔަ އިރުވެސް ނިޔާވެފައިވާކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
