އައްޑޫގައި މިދިޔަ ހުކުރު ދުވަހުގެ ރެއާއި އާދިއްތަ ދުވަހުގެ ރޭ ވަނީ ނުރައްކާތެރި ދެ މާރާމާރީއެއް ހިންގާފަ އެވެ.މިކަމާގުޅޭ ގޮތުން މިއަދު ފުލުހުން ވިދާޅުވީ އައްޑޫގައި ހިނގި ނުރައްކާތެރި މާރާމާރީތަކާ ގުޅިގެން މިހާތަނަށް 11 މީހަކު ހައްޔަރުކޮށްފައިވާ ކަމަށާއި އޭގެ ތެރެއިން އެކަކު އިތުރަށް ބަންދުގައި ބަހައްޓަން ނުފެންނާތީ މިހާރު ދޫކޮށްލާފައިވާކަމަށެވެ.
ހުކުރު ދުވަހުގެ ރޭ ހިންގި މާރާމަރީގައި ވަނީ 30 އަހަރުގެ ފިރިހެނަކަށް ބޮޑެތި ޒަޚަމްތަކެއް ލިބި ފައިވެއެވެ. އޭގެފަހުން އާދިއްތަ ދުވަހު ހިންގި މާރާމަރީގައި 20 އަހަރުގެ ޒުވާނަކު ޒަޚަމްކޮށްލާފައިވެއެވެ. އެ މާރާމާރީތަކާ ގުޅިގެން ކުރިން ހައްޔަރުކޮށްފައި ތިބި 10 މީހުން ވެސް ޝަރީއަތް ނިމެންދެން ބަންދުގައި ބައިތިއްބަން ހިތަދޫ މެޖިސްޓްރޭޓު ކޯޓުން ވަނީ އަމުރުކޮށްފަ އެވެ.
