ކުރިއަށް އޮތް ރިޔާސީ އިންތިހާބުގެ ދެވަނަ ބުރުގައިވެސް އެމްޑީޕީގެ ކެންޑިޑޭޓް ރައީސް އިބްރާހީމް މުހައްމަދު ސޯލިހް އާއި އެކު ދެމި ތިބޭނެކަމަށް އަދާލަތު ޕާޓީން ބުނެފިއެވެ.
އެ ޕާޓީން މިހެން ބުނެފައިވަނީ އެމްޑީޕީ ކޯލިޝަނުގައި ހިމެނޭ އެމްޑީއޭ އިން އިންތިހާބުގެ ދެވަނަ ބުރުގައި އެ ކޯލިޝަނުން ވަކިވެ އިދިކޮޅު ޕީއެންސީގެ ކެންޑިޑޭޓް ޑރ.މުހައްމަދު މުއިއްޒު އަށް ތާއިދުކުރުމަށް ނިންމުމާ ގުޅިގެންނެވެ.
ޢަދާލަތު ޕާޓީގެ މަޝްވަރާ މަޖިލީހުން 2023 ވަނަ އަހަރުގެ ރިޔާސީ އިންތިޚާބާ ގުޅޭގޮތުން ނިންމާފައިވާ ނިންމުމާ އެއްގޮތަށް ރިޔާސީ އިންތިޚާބުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ތާޢީދުކުރުންމަތީ ޢަދާލަތު ޕާޓީއިން ސާބިތުކަމާއެކީ ދެމިއޮތް ވާހަކަ ދަންނަވަމެވެ.
އަދި މާތް…— Adhaalath Party (@AdhaalathOffice) September 26, 2023
މި ގޮތުން އާދަލަތު ޕާޓީން ބުނީ އެ ޕާޓީގެ މަޝްވަރާ މަޖިލީހުން 2023 ވަނަ އަހަރުގެ ރިޔާސީ އިންތިޚާބާ ގުޅޭގޮތުން ނިންމާފައިވާ ނިންމުމާ އެއްގޮތަށް ރިޔާސީ އިންތިޚާބުގައި ރައީސް ސޯލިހްއަށް ތާޢީދުކުރުންމަތީ ސާބިތުކަމާއެކީ ދެމިއޮތް ކަމަށެވެ. ” މާތް ﷲ ގެ އިރާދަފުޅާއެކު މި އިންތިޚާބު ކާމިޔާބުކުރުމަށްޓަކައި ކުރަންޖެހޭ އެންމެހާ މަސައްކަތްތައް އެމްޑީޕީ އާއި ރައީސް ސޯލިށް ތާޢީދުކުރައްވާ އެންމެހާ ފަރާތްތަކާއެކުގައި މި ޕާޓީއިން ކުރާނެ” އަދާލަތުން ވަނީ ބުނެފައެވެ.
ރިޔާސީ އިންތިހާބުގެ ވޯޓުލުން ބާއްވަނ ތިން ދުވަހަށްވެފައިވަނިކޮށް އެމްޑީއޭ އިން އެމްޑީޕީ ކޯލިޝަނާ ވަކިވެފައިވާއިރު އެ ޕާޓީން ބުނީ ދެވަނަ ބުރުގައި ރައީސް ސޯލިހަށް ކާމިޔާބު ނުވާނެ ކަމަށް %97 ކައުންސިލް މެމްބަރުން ގަބޫލުކުރައްވާ ކަމަށެވެ.
