ޕީޕީއެމް ޕީއެންސީ ރިޔާސީ ކެންޑިޑޭޓް ޑރ. މުޙައްމަދު މުއިއްޒު އަކީ މަވެތި ބޮޑާ ކިބުރުވެރި މީހެއް ކަމަށާއި މުއިއްޒު ވެރިކަމަށް ގެންނަން ހެޔޮނުވާނޭ ކަމަށް ޕީޕީއެމް ގައި އުޅުމަށް ފަހު ދާދިފަހުން ވެރިކަން ކުރާ ޕާޓީ އެމްޑީޕީއާއި ގުޅުނު ކުރީގެ ރައީސް ޢަބްދު ﷲ ޔާމީންގެ ވެރިކަމުގައި ރައީސް އޮފީހުގެ ތަރުޖަމާނު އިބްރާހިމް މުުއާޒް އަލީ ބުނެފިއެވެ.
މުއާޒު މިފަދައިން ބުނެފައިވަނީ މިއަދު ކުރެއްވި ޓްވީޓެއްގައެވެ.
2018 ގައި މުއިއްޒު ކުރައްވާފައިވާ ޓްވީޓެއްގެ ސްކްރީންޝޮޓެއް ޓެގްކުރުމަށް ފަހު މުއާޒު ބުނީ މީހުންނަށް ހަސަދަވެރިކަން ލުމުގައިވެސް މުއިއްޒަކީ އަރާހުރި، ބޮޑާކަމާ ކިބުރުވެރި ‘މަވެތި’ ބޭފުޅެއްކަމަށާއި އެކަމަށް އޭނާ ހެކިވާކަމަށެވެ. އަދި މުއިއްޒު އަކީ ވެރިކަމަށް ކައިރިކުރަން ހެޔޮވާވަަރުހެ މީހެއް ނޫންކަމަށް ވެސް މުއާޒު ވަނީ ބުނެފައެވެ.
މުއާޒު އޭނާގެ ޓްވީޓުގައި ޓެގްކޮށްފައިވާ ސްކްރީން ޝޮޓް އަކީ 2018 ވަނަ އަހަރުގެ ރިޔާސީ އިންތިޚާބުތެރޭގައި މުއިއްޒު ކުރެއްވިކަމަށް ބުނާ ޓްވީޓެކެވެ. އެ ޓްވީޓުގައި ވަނީ ލާދީނީ މީހެއްގެ އަމުރަށް ގައުމުދެކެ ލޯބި ނުވާބަޔަކު މުޅި ގައުމު ހުޅުޖެހި ދުވަހަކީ ގައުމުގެ ރައްޔިތުން އެކަމުން އިބުރަތް ހާސިލް ކުރަން ޖެހޭ ކަމަށެވެ.
މުއާޒު އެ ޓްވީޓާއި ހަވާލާދީ ބުނީ މިހެން ބުނެފައިވަނީ ޕީޕީއެމްގެ އެކްޓިވިސްޓެއް ނޫންކަމަށާއި އެއީ އޭރުވެސް ދިވެހި ސަރުކާރުގެ ވަޒީރެއްކަމަށެވެ. އަދި މިކަން ރައްޔިތުން ޤަބޫލުކުރަން ޖެހޭކަމަށް ވެސް އޭނާގެ ޓްވީޓުގައި ބުނެފައިވެއެވެ.
” މިހެން ބުނީ ޕީޕީއެމްގެ އެކްޓިވިސްޓެއް ނޫން. އޭރުވެސް ދިވެހި ސަރުކާރުގެ ވަޒީރެއް! ރައްޔިތުން ޤަބޫލުކުރައްވާ. މީހުންނަށް ހަސަދަވެރިކަން ލުމުގައިވެސް މުއިއްޒަކީ އަރާހުރި، ބޮޑާކަމާ ކިބުރުވެރި ‘މަވެތި’ ބޭފުޅެއް. ހެކިވަން! ވެރިކަމާ ކައިރިކުރަން ހެޔޮނުވާނެ.” މުއްޒު ކުރެއްވި ޓްވީޓެއްގެ ސްކްރީންޝޮޓެއް ޓެގްކޮށް މުއާޒު ބުނެފައިވެއެވެ.
