މި އަހަރު ސެޕްޓެމްބަރު މަހުގެ 9 ވަނަ ދުވަހު އޮންނަ ރިޔާސީ އިންތިހާބުގައި ވާދަކުރާ ކެންޑިޑޭޓުންގެ ނަމްބަރުތައް ތަރުތީބުކޮށް އިއުލާނުކޮށްފިއެވެ.
މި އަހަރުގެ ރިޔާސީ އިންތިހާބުގައި ސިޔާސީ ޕާޓީތަކާއި އަމިއްލަ ގޮތުން ވާދަކުރާ ބޭފުޅުން ހިމެނޭހެން ޖުމުލަ އަށް ކެންޑިޑޭޓަކު ވާދަކުރެއެވެ.
ވޯޓު ކަރުދާހުގައި ކެންޑިޑޭޓުންގެ ނަންތައް އޮންނާނެ ގޮތް ތަރުތީބުކޮށްފައިވަނީ މިއަދު ހަވީރު އިންތިޚާބާއި ބެހޭ މަރުކަޒުކަމުގައިވާ އިލެކްސަން ކޮމިޝަން (އީސީ) އިން ބޭއްވި ރަސްމިއްޔާތުގައި ގުރުއަތު ނަގައިގެންނެވެ.
ނަންތައް ތަރުތީބުކުރަން ގުރުއަތު ނެގުމުގެ ފުރުސަތު ދިނީ އީސީއަށް ފޯމުތައް ހުށަހެޅި ތަރުތީބުންނެވެ.
މި އަހަރުގެ ރިޔާސީ އިންތިހާބު ބޭއްވުމަށް ހަމަޖެހިފައިވަނީ އަންނަ ސެޕްޓެމްބަރު މަހުގެ 9 ވަނަ ދުވަހުގައެވެ.