ނުކުޅުދެންތުރިކަން ހުންނަ މީހުންނަށް ދޭ އެލަވަންސް ގިންތިކޮށް 3,000 ރުފިޔާއަށް ބޮޑުކޮށްފިއެވެ.
މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ޖެންޑާ މިނިސްޓްރީން ބުނީ އެ އަދަދު އިތުރު ކުރުމަށްޓަކައި ގިންތިތަކެއް ހަދައި، 6،000 ރުފިޔާއާ ހަމައަށް އެ އެލަވަންސް ބޮޑު ކުރަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ނިންމާފައިވާ ކަމަށެވެ.
މި ގޮތުން ޖޫން މަހުން ފެށިގެން ނުކުޅެދުންތެރިކަން ހުންނަ މީހުންގެ އެލަވަންސް އެންމެ މަދުން ލިބޭ މީހަކަށް ވެސް 3000 ރުފިޔާ ލިބޭނެއެވެ.
ނުކުޅެދުންތެރިކަން ހުންނަ މީހުންނަށް ދޭ އެލެވެންސް ގިންތި ކުރުމުން، ކުރިއަށް އޮތްތަނުގައި އެންމެ ބޮޑުކޮށް ނުކުޅެދުންތެރިކަން ހުންނަ ފަރާތްތަކަށް 6000 ރުފިޔާ ލިބޭނެއެވެ.
މީގެ ކުރިން ނުކުޅެދުންތެރިކަން ހުންނަ މީހުންނަށް ދެމުންދިޔައީ މަހަކު 2000 ރުފިޔާއެވެ.
