މަދުން ނޫނީ ނުފެންނަ ޒާތުގެ ފަންޏެއް، އައްޑޫ އެކުއެޓޯރިއަލް ހޮސްޕިޓަލަށް ދެއްކި މީހެއްގެ ލޮލުން ނަގައިފިއެވެ. ލޯރަތްވުމާއި އަދި ލޮލުގައި ދިރޭ އެއްޗެއް އުޅޭކަމުގެ އިޙުސާސްތަކެއް ކުރެވިގެން އޭއީއެޗަށް ދެއްކި ބިދޭސީ އަންހެނެއްގެ ލޮލުން ނެގީ ‘އެފްރިކަން އައި ވޯމް’ ނުވަތަ ލޯއާ ލޯއާ ކިޔާ ފަންޏެއް ކަމަށް ހޮސްޕިޓަލުން މަޢުލޫމާތު ދެއެވެ.
މިއީ މިފަދަ ފަންޏެއް އޭއީއެޗްގައި ނެގި ފުރަތަމަ ފަހަރެވެ. ފަނިނެގުމަށް ހޮސްޕިޓަލުން ހިންގި ޕްރޮސީޖަރ އަށް ފަހު އިތުރު މައްސަލައެއް ކުރިމަތި ވެފައިވޭތޯ ބެލުމަށް ހެދި ތަޙުލީލުތަކުން އެއްވެސް މައްސަލައެއް ފާހަގަ ނުވާކަމަށާއި ބަލިމީހާގެ ޙާލު ރަނގަޅު ކަމަށް ހޮސްޕިޓަލުން މަޢުލޫމާތު ދެއްވައެވެ.
Our Ophthalmology team removed a Loa Loa ( commonly known as African Eye Worm ) under topical anesthesia from the conjunctiva of a patient who presented with mild redness and foreign body sensation in the eye which revealed the very rare case.
Follow Our Journey!@presidencymv pic.twitter.com/0Qyk5NEzBC
— Addu Equatorial Hospital (@aeh_mv) April 1, 2023
އައްޑޫ އެކުއެޓޯރިއަލް ހޮސްޕިޓަލަކީ މާލެ ފިޔަވައި ރާއްޖޭގެ އަތޮޅެއްގައި އެންމެ ފުޅާ ދާއިރާއެއްގައި ސިއްޙީ ޚިދުމަތް ދެމުން އަންނަ ހޮސްޕިޓަލެވެ.
