އަންހެނުންގެ އަގު ވަޒަން ކުރުމުގެ ގޮތުން ސަރުކާރުން ދޭ ރެހެންދި އެވޯޑު ދިނުމުގެ މި އަހަރުގެ ހަފްލާ މިރޭ ބާއްވާ ގޮތަށް ހަމަޖެހިފައިވާ ކަަމަށް މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްއިން ބުނެފިއެވެ.
2014ވަނަ އަހަރުން ފެށިގެން މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްއިން ކޮންމެ އަހަރަކު ދެމުން އަންނަ “ރެހެންދި އެވޯޑު”ގެ މަޤްޞަދަކީ ޤައުމީ ހިދުމަތުގައި އެކިއެކި ދާއިރާއިން އަންހެނުން ކުރާ މަސައްކަތްތަކާއި، ދިވެހިރާއްޖޭގެ ޤައުމީ ތަރައްޤީއަށާއި މުޖުތަމަޢު ބިނާ ކުރުމަށް އަންހެނުން އަދާކުރާ ދައުރާއި، މުޖުތަމަޢުގައި އަންހެނުންގެ ޙައްޤުތައް ރައްކާތެރިކުރުމަށާއި، އަންހެނުންގެ ކުރިއެރުމަށް ވަކި ފަރުދުންނާއި މުއައްސަސާތަކާއި، ޖަމުޢިއްޔާތަކާއި ޖަމާޢަތްތަކުން ކުރަމުންދާ މަސައްކަތްތަކުގެ އަގު، ޤައުމީ ފެންވަރެއްގައި ވަޒަން ކުރުމެވެ.
މި އަހަރު ވެސް ގިނަ ކަނބަލުންތަކެއް މި އެވޯޑަށް ކުރިމަތިލަައްވަވާފައިވާ އިރު ރެހެންދި އެވޯޑަށް ކުރިމަތި ލެވޭ ދާއިރާތަކުގެ ތެރޭގައި:
މިދިޔަ އަހަރުގެ ރެހެންދި އެވޯޑު 9 ފަރާތަކުން ހާސިލް ކޮށްފައިވާއިރު 2014 ވަނަ އަހަރުން ފެށިގެން މިހާތަނަށް ރެހެންދި އެވޯޑު ހާސިލް ކުރެއްވެވި ހުރިހާ ބޭފުޅުންނަށް މިރޭގެ ހަފްލާއަށް ވަނީ ދައުވަތު އަރުވާފައެވެ.
