ނަސްރުގެ ދުވަހުގެ ހަނދާންތައް, އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން މިއަދު އާކޮށްފައިވަނީ އެ މަނިކުފާނު ޓުވިޓާގައި ހިއްސާކުރެއްވި ޅެމަކުންނެވެ.
ހަތަރު ބައިތުގެ މައްޗަށް އެކުލެވޭ އެ ޅެން ފައްޓަވަމުން ރައީސް ޔާމީން ވަނީ އަނެއްކާވެސް ބިރުވެރި ސިއްކަ ދުވަސް އައިސްފިކަމަށް ވިދާޅުވެފައެވެ. އެ ޅެމުގައި މި ސަރުކާރަށް ނުސީދާ ރައްދެއް ދެއްވަމުން ރައީސް ޔާމީން ވިދާޅުވީ އެ ދުވަހު ބަލިވި މީހުން އެ ދުވަސް ފާހަގަ ކުރަން ބޭނުންނުވާކަމަށެވެ.
The dreaded Sikka day is back again Four n 3decades in pain Four n more grenades were tossed to their gain A saviour force scorned for its gain A score less one couldn’t say Amen
— Abdulla Yameen (@prz_ymn) November 3, 2022
އެމްޑީޕީ ސަރުކާރު ވެރިކަމަށް އައި ފަހުން ނޮވެމްބަރު މަހުގެ 3 ވަނަ ދުވަސް ކުލަ ގަދަކޮށް ފާހަގަނުކުރާ ކަމަށް ބުނެ ގިނަ ބަޔަކު ވަނީ މީގެ ކުރިންވެސް ވަރަށް ބޮޑަށް ފާޑުކިޔާފައެވެ. 1988 ވަނަ އަހަރު ނޮވެމްބަރު 3 ގެ ހަމަލާގައި ރައީސް އިބްރާހިމް މުހައްމަދު ސޯލިހުގެ އަނބިކަނބަލުން ފަޒްނާގެ ބައްޕާފުޅު ސިއްކަ އަހުމަދު އިސްމާއިލް މަނިކު ބައިވެރިކަން ސާބިތުވެ 15 އަހަރުގެ ޖަލު ހުކުމެއް ވަނީ އިއްވާފައެވެ،
