ގދ. ރަތަފަންދޫ ގިރާ މައްސަލައަކީ ޒަމާންވީ ބޮޑު މައްސަލައެއް ކަމަށާއި އެކަމަށް އިޖާބަދިނީ މި ސަރުކާރުން ކަމަށް ކުރީގެ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
އޭނާ ވިދާޅުވީ ރަތަފަންދޫ ގިރާ ސަރަހައްދު ހިމާޔަތްކުރަން ހުރިހާ ސަރުކާރަކުން ވީއިހުމާލު ކަމަށެވެ. އެކަމަކު އެ މައްސަލަ ހައްލުކޮށްދެއްވާނެކަމުގެ ޔަޤީންކަން ހަމައެކަނި ދެއްވީ މިއަދުގެ ސަރުކާރުންކަމަށެވެ.
ޓްރޭޑް ޔޫނިއަންގެ ނައިބް ރައީސް ކަން ވެސް ކުރައްވާ ސައުދު ވަނީ ރަތަފަންދޫ ގިރާ ސަރަހައްދު ހިމާޔަތްކުރުމަށް މިސަރުކާރުން ވީ ވަޢުދު ފުއްދުމަށް ފިނޭންސް މިނިސްޓަރ އިބްރާހީމް އަމީރުކޮށްދެއްވި ބުރަ މަސައްކަތް ފާހަގަކުރައްވާ ސަރުކާރުން ދެއްވި އިތުބާރަށް ޝުކުރު ދަންނަވާފައެވެ.
މީގެ އިތުރުން ރަތަފަންދޫ ގިރާ ސަރަހައްދު ހިމާޔަތްކުރުމަށް 2008 އިން 2018އަށް ވެރިކަންކުރި ރައީސުން ވީ ވަޢުދު ވަނީ ނުފުއްދި ރައްޔިތުން މަތިން ހަނދާން ނެތިފައި ކަމަށް ވެސް އޭނާ ވިދާޅުވިއެވެ.
Gdh rathafandhoo giraa sara hahdhu himaayah kuran 2008-2018 verikan kuri raeesun v vaudhu vanee nufuhdhi rahyithun matheen hadhaan nethifa.2018 riyaase inthihab raees @ibusolih mikan kohdhevaane kamah vidhaalhuve miadhu mivanee MTCC mi project award kohfa.Ranun ranah.heyo verikan
— Saudulla Ahmed (@saudullaahmed1) April 7, 2022
ސަޢުދު ވިދާޅުވީ 2018ގެ ރިޔާސީ އިންތިޚާބުގައި މިހާރުގެ ރައީސް އިބްރާހީމް މުޙައްމަދު ޞާލިޙް ރަތަފަންދޫ ގިރާ ސަރަހައްދުގެ މައްސަލަ ހައްލުކޮށްދެއްވާނެކަމުގެ ޔަޤީންކަން ދެއްވައި އެ މަޝްރޫޢު އެމްޓީސީސީއާއި ހަވާލުކޮށްފައިވާތީ މިއީ ހެޔޮވެރިކަންކަމަށް ސަޢުދު ވަނީ ވިދާޅުވެފައެވެ.
ރަތަފަންދޫ ގޮނޑުދޮށް ޙިމާޔަތްކުރުމުގެ މަޝްރޫޢުގެ ޑިޒައިން އާއި އީއައިއޭގެ މަސައްކަތް ކުރުމަށް ޕްލޭނިންގ މިނިސްޓްރީން ބަޔަކާ ހަވާލުކުރީ 2019 އަހަރުގެ ޑިސެމްބަރު މަހގެ ތެރޭގައެވެ. މިއެއްބަސްވުމުގެދަށުން އެރަށު ގޮނޑުދޮށް ޙިމާޔަތްކުރުމަށް ބޭނުންވާ ޑީޓެއިލް ޑިޒައިނާއި ތިމާވެއްޓަށް ގެއްލުންވާ މިންވަރުބަލާ އެސެސްމަންޓް ހެދުން ހިމެނެއެވެ.