ބޮޑު ވަޒީރު އިމްރާން ޚާންގެ އެދިވަޑައިގަތުމަށް ޕާކިސްތާނުގެ ރައީސް ޤާނޫނު ހަދާ މަޖިލިސް އުވާލައްވައިފިއެވެ.
އެ ގައުމުގެ ޤާނޫނު ހަދާ މަޖިލިސް އުވާލާފައިމިވަނީ ޕާކިސްތާނުގެ ބޮޑުވަޒީރުގެ މަގާމުގައި ހުންނެވި އިމްރާން ޚާން އެ މަގާމުން ދުރުކުުރުމަށް ގާނޫނުހަދާ މަޖިލިހުގައި ނެގުމަށް ހަމަޖެހިފައިވާ ވޯޓު ބަލައިނުގަނެ، ޤާނޫނުހަދާ މަޖިލިހުގެ ނާއިބުރައީސް އެމައްސަލަ ބޭރު ކޮށްލާފައިވާ ދަނޑިވަޅެއްގައެވެ.
އިމްރާން ޚާން ގެ އިތުބާރުނެތް މައްސަލަ މަޖިލީހުން ބޭރުކޮށްލާފައިވަނީ ބޭރުގެ ބާރުތަކުން ޕާކިސްތާނުގެ ޑިމޮކްރަސީގެ ތެރެއަށް ވަދެގަތުމަށް، ގާނޫނު އަސާސިއާއި ދެކޮޅަށް ހިންގާ ޢަމަލެއްކަމުގައި ބުނެއެވެ.
ޕާކިސްތާންގެ ތާރީޚުގައި މިހާތަނަށް އެއްވެސް ބޮޑުވަޒީރަކަށް އިންތިޚާބީ ދައުރެއްގައި މަގާމްގެ މުއްދަތު ފުރިހަމަ ކުރެވިފައެއް ނުވާއިރު، މަޖިލިސް އުވާލައްވާ އާ އިންތިޚާބަކަށް ދިއުމަށް ޕާކިސްތާންގެ ރައީސްގެ ކިބައިން ބޮޑުވަޒީރު ވަނީ އެދިވަޑައިގެންފައެވެ.
