ދެ އަހަރުގެ މެދުކެނޑުމަކަށްފަހު މިއަހަރު ބާއްވާ އުރީދޫ މަސް ރޭހުގައި 23 ޓީމު ބައިވެރިވެފައިވާ ކަމަށް އުރީދޫ އިން ބުނެފިއެވެ.
އެ ކުންފުނިން ބުނީ އެ މުބާރާތުގައި ބައިވެރިވުމުގެ މުއްދަތު މި މަހުގެ 23 ވަނަ ދުވަހަަށް ހަމަވިއިރު، 23 ޓީމަކުން ރަޖިސްޓްރީވާން އެދިފައިވާ ކަމަށެވެ.
އެހެންވެ އެ ހުރިހާ ޓީމަކަށް ފުރުސަތު ދީފައިވާ ކަމަށް ވެސަް އުރީދޫ އިން ބުންޏެވެ.
ކޮންމެ އަހަރެއްގެ ރަމަޟާން މަހު އުރީދޫއިން ބާއްވަމުން އަންނަ މަސްރޭހަކީ ގިނަބައެއްގެ މެދުގައި ވަރަށް މަޤުބޫލު އިވެންޓެކެވެ. އެހެންނަމަވެސް ކޮވިޑުގެ ޢާލަމީ ވަބާގެ ސަބަބުން ފާއިތުވި ދެ އަހަރު މި އިވެންޓު ބޭއްވޭގޮތް ވަނީ ނުވެފައެވެ.
އުރީދު މަސް ރޭހުގެ 11 ވަނަ ސީޒަން ގައި އެއްވަނަ ހޯދާ ޓީމަށް 50،000 ރުފިޔާ، އެންމެ ގިނަ މަސް ބޭނި “މުބާރާތުގެ މަސްވެރިޔާ” އަށް 5000 ރުފިޔާ އާއި ރަންކޯރި ލިބޭއިރު، އެންމެ ބަރުމަސް ބޭނި ފަރާތަށް 5000 ރުފިޔާ ލިބޭނެއެވެ.
#OoredooMasrace 2022 mifaharu maa foari gadha!
Masrace draw was held last night at Ooredoo Head Office in the presence of reps. from registered teams. After a 2-year break due to popular demand, we have decided to let all registered 23 teams compete this year! Stay tuned. 🎣 pic.twitter.com/mDR4mG2Xeu
— Ooredoo Maldives (@OoredooMaldives) March 28, 2022
މި މުބާރާތް ރަމަޟާން މަހުގެ ފަހު ދިހައިގެ ދުވަސްތައް ފިޔަވާ ކޮންމެ އަންގާރަ އަދި ހޮނިހިރު ދުވަހެއްގައި ބޭއްވުމަށް ހަމަޖެހިފައިވާ އިރު، ގްރޭންޑް ފިނާލޭ ބޭއްވުމަށް ހަމަޖެހިފަވަނީ މޭ މަހުގެ 1 ވަނަ ދުވަހުއެވެ.
އުރީދޫ މަސް ރޭސް އެންމެފަހުން ބޭއްވީ 2019 ވަނަ އަހަރުއެވެ. އެ އަހަރު ބައިވެރިވީ 16 ޓީމެކެވެ.
