އެމްޑީޕީގެ ވޯޓާސް ލިސްޓުގައި އައްޑޫ މީދޫ ދާއިރާގެ ޕީޕީއެމް ކައުންސިލަރ އާމިނަތު ސޯލިހާގެ ނަންވެސް އެބައޮތް ކަމަށާއި، މިއީ ބޮޑު ޖޯކެއްކަމަށް އައްޑޫ ސިޓީ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
އެމްޑީޕީ އިން މި 11 ސެޕްޓެމްބަރ 2021 ވަނަ ދުވަހު ޢާންމުކުރި އެ ޕާޓީގެ ދާއިރާތަކުގެ އިންތިޚާބު 2021 ގެ ވޯޓުލާ މީހުންގެ ދާއިމީ ލިސްޓަށް ޝަކުވާ ހުށަހެޅުމަށް ހުޅުވާލި ފުރުޞަތުގައި ހުށަހަޅާފައިވާ ޝަކުވާތަކާއި އިންތިޚާބާ ބެހޭ ކޮމިޓީއަށް ފާހަގަކުރެވިފައިވާ ކަންކަމުގެ މައްޗަށް ރިއާޔަތްކުރުމަށްފަހު ދާއިރާތަކުގެ އިންތިޚާބު 2021 ގެ ވޯޓުލާ މީހުންގެ ދާއިމީ ލިސްޓު އާންމުކޮށްފައިވަނީ ރޭގެ ވަގުތެއްގައެވެ.
މި ލިސްޓުގައި އައްޑޫ ސިޓީ މީދޫ ދާއިރާގެ ޕީޕީއެމް ކައުންސިލަރުގެ ނަން ވެސް ހިމެނިފައިވާކަން ފާހަގަކޮށް ރޮޒައިނާ ކުރެއްވި ޓުވިޓެއްގައި ވަނީ އެމްޑީޕީގެ އެތެރޭގެ އިންތިހާބުގައި އެހެން ޕާޓީ ތަކުގެ ރަޖިސްޓްރީގައި ތިބޭ މީހުންނަށް ވޯޓު ލެވެނީ ކީއްވެގެންތޯ ވިދާޅުވެ ހަސަން ލަތީފާއި ސުވާލުކުރައްވާފައެވެ. އަދި އައްޑޫ މީދޫ ދާއިރާގެ ޕީޕީއެމް ކައުންސިލަރުގެ ނަން ވޯޓާސް ލިސްޓުގައި އޮތްކަން ފާހަގަކުރައްވަމުން ރޮޒައިނާ ވިދާޅު މިއީ ބޮޑު ޖޯކެއްކަމަށެވެ. “މިކަން މިހެން ބަލައެއް ނުގަނެވޭނެ” ރޮޒައިނާ ވިދާޅުވިއެވެ.
MDP ge ethereyge inthihaabuthakuga ehen party thakuge registry ga thibey meehunnah vote levenvee keevve tho @HassanLatheef ? Addu Meedhoo ge PPM councilor ves eba oi MDP ge voter list ga. Mee bodu jokeh nun! Mikan mihen balaeh nuganeveyne!
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) September 18, 2021
މިމަހުގެ 25 ވަނަ ދުވަހު ބާއްވާ އެމްޑީޕީގެ ގައުމީ މަޖިލީހުގެ އިންތިހާބުފައި ވޯޓުލެވޭ މީހުންގެ ލިސްޓު އާންމުކޮށްފައިވާއިރު އެ ލިސްޓުގައި ނުހިމެނޭ މީހުންނަށް ވޯޓް ނުލެވޭނެ ކަމަށް އެ ޕާޓީން ވަނީ ބުނެފައެވެ.
އެ ލިސްޓްގައި ނަން ހިމެނިފައިވޭތޯ ބެލުމަށް މޯބައިލް ފޯނުން މެސެޖެއް ކުރުމުން ބެލޭނެ އިންތިޒާމް ޕާޓީން ހަމަޖައްސާފައިވާއިރު މެސެޖު ފޮނުވާނީ MDP(space)IDnumber ޖެހުމަށްފަހު 637 އަށެވެ.
