ރާއްޖެއިން ކޮވިޑް-19 ޖެހިގެން އުމުރުން 10 އަހަރުގެ ކުޑަކުއްޖަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކުރި ގޮތުގައި އައިޖީއެމްއެޗްގެ ކުއްލި ފަރުވާދޭ ކޮޓަރީގައި ފަރުވާދެމުން ގެންދިޔަ އުމުރުން 10 އަހަރުގެ ދިވެހި ކުޑަކުއްޖަކު ރޭ 12:10 ގައި ނިޔާވެފައިވާ ކަމަށެވެ.
މިއީ ކޮވިޑް-19 ޖެހިގެން ރާއްޖެއިން ނިޔާވި 170 ވަނަ ފަރާތް ކަމަށްވާއިރު، މިއީ ރާއްޖެއިން މި ބަލީގައި ކުޑަކުއްޖަކު ނިޔާވި ފުރަތަމަ ފަހަރުވެސް މެއެވެ.
މިހާތަނަށް ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 65،164 އަށް އަރައިފައިވެ އެވެ. މީގެ އިތުރުން ރާއްޖެއިން މި ބަލި ޖެހުނު މީހުންގެ ތެރެއިން މިހާތަނަށް 40،951 މީހުން ވަނީ ރަނގަޅުވެފައެވެ.
