ކޮވިޑް-19ގެ ސަބަބުން މަރުވާ ސްރީ ލަންކާގެ މުސްލިމުން ރާއްޖޭގައި ވަޅުލައިދިނުމަކީ ދީނީގޮތުން ކޮށްދޭން ޖެހޭ ކަމެއް ނޫން ކަމުގައި ކުރީގެ ރައީސް، މައުމޫން ޢަބްދުލް ޤައްޔޫމް ވިދާޅުވެއްޖެއެވެ.
މައުމޫން މިހެން ވިދާޅުވީ މިއަދު ކުރެއްވި ޓްވީޓެއްގައެވެ.
ކޯވިޑް ގެ ސަބަބުން މަރުވާ ސްރީލަންކާމުސްލިމުންގެހަށިތައް ރާއްޖޭގައި ވަޅުލައިދިނުމަކީ ދީނީގޮތުން އަޅުގަނޑުމެން ކޮށްދޭންޖެހޭނެކަމެއްނޫން. އަދިއެކަންކޮށްދީފިނަމަ އެކަންވާނީ އެޤައުމުގެ ސަރުކާރުން މުސްލިމުންނާމެދު ޢަމަލުކުރަމުންދާގޮތަށްކުރެވޭތާއީދަކަށް.
— Maumoon Abdul Gayoom (@maumoonagayoom) December 15, 2020
އެ ޓްވީޓްގައި މައުމޫން ވިދާޅުވެފައި ވަނީ ކޮވިޑްގެ ސަބަބުން މަރުވާ ލަންކާ މުސްލިމުން ހަށިތައް ރާއްޖޭގައި ވަޅުލައިދިނުމަކީ ދީނީގޮތުން ކޮށްދޭން ޖެހޭ ކަމެއް ނޫން ކަމުގައެވެ.
“އަދި އެކަން ކޮށްދީފިނަމަ އެކަން ވާނީ އެޤައުމުގެ ސަރުކާރުން މުސްލިމުންނާމެދު ޢަމަލުކުރަމުންދާ ގޮތަށް ކުރެވޭ ތާޢީދަކަށް”، މައުމޫންގެ ޓްވީޓްގައި ވިދާޅުވެފައި ވެއެވެ.
ރޭ މައުމޫން ކުރެއްވި ޓްވީޓެއްގައި ވިދާޅުވެފައި ވަނީ ހުރިހާ ޤައުމެއްގެވެސް އަދި ހުރިހާ ދީނެއްގެވެސް ރައްޔިތުންނަށް ރާއްޖެއިން މަރުޙަބާ ކިޔާނެ ކަމަށާއި އެހެންނަމަވެސް ކޮވިޑް-19ގައި މަރުވާ މީހުން ރާއްޖޭގައި ވަޅުލުމަށް ގެނައުމަކީ އެމަނިކުފާނަށް ފެނިވަޑައިގަންނަވާ ކަމެއް ނޫން ކަމަށެވެ.
މައުމޫން މިހެން ވިދާޅުވި ނަމަވެސް، ރާއްޖޭގެ ގިނަ ދީނީ ޢިލްމުވެރިން ވަނީ އެކަމަށް ތާޢީދުކުރައްވައިފައެވެ.
