އައްޑޫ އިންޓަނޭޝަނަލް އެއާޕޯޓްގެ ވެބްސައިޓް ފަރުމާކޮށްދޭނެ ފަރާތެއް ހޯދަން އިޢުލާންކޮށްފިއެވެ.
އައްޑޫ އިންޓަނޭޝަނަލް އެއާޕޯޓުން ކުރި އިޢުލާނެއްގައި ބުނެފައި ވަނީ އެ ކުންފުނީގެ ވެބްސައިޓާއި، އެއާޕޯޓް ބްރޯޝަރ ފަރުމާކޮށް ތަރައްޤީ ކޮށްދިނުމަށް ޝައުޤުވެރިވާ އަދި ޝަރުތު ފުރިހަމަވާ ފަރާތްތަކަށް، އެ ފުރުސަތު ހުޅުވާލާފައިވާ ކަމަށެވެ.
އެ މަސައްކަތާ ބެހޭ މަޢުލޫމާތު ދިނުމުގެ ސެޝަން އޮންނާނީ 17 ޑިސެންބަރު 2020 ވަނަ ދުވަހުގެ 11:00 ގައި އެޑްމިން އޮފީސް އިމާރާތުގައެވެ. އަދި އެ މަސައްކަތަށް ބީލަން ހުށަހެޅުމުގެ ސުންގަނޑި އަކީ 24 ޑިސެންބަރު 2020 ވަނަ ދުވަހުގެ 11:00 އެވެ. އިޢުލާނުގައި ބުނެފައިވާ ގޮތުން އެ މަސައްކަތަށް ބީލަން ހުށަހެޅޭނީ މަޢުލޫމާތު ދިނުމުގެ ސެޝަންގައި ބައިވެރިވާ ފަރާތްތަކަށް އެކަންޏެވެ.
