ރާއްޖެއިން ބޭރުގެ ޤައުމަކަށް ކަނޑައެޅި ފުރަތަމަ ޑިފެންސް އެޑްވައިޒަރަކަށް، އެމްއެންޑީއެފްގެ ކާނަލް ޢަބްދުއްރައޫފް ހަމަޖައްސަވައިފިއެވެ.
ޗީފް އޮފް ޑިފެންސް ފޯސް، މޭޖަރ ޖެނެރަލް ޢަބްދުﷲ ޝަމާލް ކުރެއްވި ޓްވީޓެއްގައި ވިދާޅުވެފައިވަނީ މެލޭޝިއާގައި ހުންނަ ދިވެހިރާއްޖޭގެ ހައި ކޮމިޝަނުގެ ޑިފެންސް އެޑްވައިޒުކަމުގެ މަސްއޫލިއްޔަތުތަކާއި ކާނަލް ރައޫފް ހަވާލުވެވަޑައިގެންފައިވާ ކަމަށެވެ.
އެގޮތުން ޝަމާލް ވިދާޅުވީ ރާއްޖެއާއި މެލޭޝިއާ އާއި ދެމެދު އޮންނަ ދިފާޢީ އަދި ސަލާމަތީ ގުޅުންތައް ބަދަހިކުރުމާއި، ދެ ޤައުމުގެ އަސްކަރިއްޔާގެ ދެމެދުގައި ޤާއިމްވެފައިވާ ޒަމާންވީ ވަރުގަދަ ގުޅުން އިތުރަށް ބިނާކުރުމަށް ކާނަލް ރައޫފް މަސައްކަތް ކުރައްވާނެ ކަމަށެވެ.
Colonel Abdul Rauf assumes duties as the first Defence Advisor at @MDVinMalaysia.
He will be working to enhance the defence & security cooperation between Maldives & Malaysia, building upon the existing strong and historic ties between MNDF and the Malaysian military. pic.twitter.com/5ACcIrWiWB
— Maj. Gen. Abdulla Shamaal (@CDFofMNDF) September 18, 2020
އެ މަޤާމަށް ކާނަލް ރައޫފް ޢައްޔަނުކުރެވިގެން ދިއުމާއެކު، ދެން ކާނަލް ރައޫފް ދިރިއުޅުއްވާނީ މެލޭޝިއާގައެވެ.
