މިރޭ ގާތްގަނޑަކަށް ބައި ގަޑިއިރަށް އުރީދޫގެ އިންޓަނެޓް ޚިދުމަތަށް ބުރޫ އަރާފާނެ ކަމަށް އެ ކުންފުނިން ބުނެފި އެވެ.
ރާއްޖޭގައި ފުޅާ ދާއިރާއެއްގައި މުއާސަލާތީ ޚިދުމަތް ދެމުން އަންނަ އުރީދޫ މޯލްޑިވްސް އިން މިރޭ ކުރި ޓްވީޓެއްގައި ބުނެފައި ވަނީ އެ ކުންފުނީގެ ބައިނަލްއަޤްވާމީ އިންޓަނެޓް ސަރވިސް ޕްރޮވައިޑަރ (އައިއެސްޕީ) އިން ކުއްލި ގޮތަކަށް ކުރުމަށް ހަމަޖެހިފައިވާ މެއިންޓެނެންސް މަސައްކަތެއްގެ ސަބަބުން، މިރޭ 11:30 އިން މާދަމާ ފަތިހު 05:00 އާއި ދެމެދު، ބައި ގަޑިއިރަށް މޮބައިލް އަދި ބްރޯޑްބޭންޑް އިންޓަނެޓް ބޭނުންކުރުމުގައި ކަސްޓަމަރުންނަށް ދަތިތަކެއް ދިމާވުމަކީ އެކަށީގެންވާ ކަމެއް ކަމަށެވެ.
Our engineers are closely working with our ISP partner to minimize impact on customers during the activity. We apologize for any inconveniences this may cause to our customers.
— Ooredoo Maldives (@OoredooMaldives) May 9, 2020
މީގެ އިތުރުން އުރީދޫ އިން ބުނީ މެއިންޓެނެންސް ކުރާއިރު، ކަސްޓަމަރުންނަށް ކުރާ އަސަރު ވީހާވެސް ކުޑަކުރުމަށް އައިއެސްޕީ އާއެކު އެ ކުންފުނީގެ އިންޖިނިއަރުން އަންނަނީ މަސައްކަތް ކުރަމުން ކަމަށެވެ. އަދި އޭގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް އުރީދޫ އިން ވަނީ މަޢާފަށްވެސް އެދިފަ އެވެ.
