ކޮންމެ އެއާޕޯޓެއްގައި ފްލައިޓްތައް ރަންވޭގައި ޖެއްސުމަށް އަދި ނައްޓާލުމަށް ގަޑިތައް ވާނީ ހަމަޖައްސައިފައެވެ. މިހާރު އިންޓަނެޓްގައި ވައިރަލްވެފައިވާ ވީޑިއޯ އަކުން ފެންނަ ގޮތުގައި ރަންވޭ އެއްގައި ފުރަން ތައްޔާރުވެފައި ބޯޓެއް އޮތްއިރު ފެންނަނީ އަނެއް ބޯޓު ލޭންޑް ކުރުމަށް އަންނަތަނެވެ.
މިވީޑިއޯ ބަލާލުމުން ބިރުން ފިއްކަނޑައިގެންދާ ވަރުވީނަމަވެސް އާންމުކޮށް ނުފެންނަ މި މަންޒަރުން ފެނުނީ ވަރަށް ހުށިޔާރު ކަމާއެކު އެއްބޯޓު ނައްޓާލުމުން އަނެއް ބޯޓު ލޭންޑް ކުރިތަނެވެ. ޓްވިޓާގައި މިވީޑިއޯ މިހާރު 548.5 ހާސްމީހުން ބަލާފައިވާއިރު 3 ހާހަށް ވުރެގިނައިން ރީޓްވީޓް ކޮށްފައި ވެއެވެ.
Timing ? pic.twitter.com/2YxeVxVb5h
— CCTV IDIOTS (@cctvidiots) February 9, 2020
ޓްވިޓާގައި މިވީޑިއޯ ބެލި ބައެއްމީހުން ބުނެފައިވާގޮތުގައި އެމީހުން މިވީޑިއޯބެލީ ނޭވާ ހިފަހައްޓައިގެން ތިބެއެވެ. އަދި ބައެއްމީހުން ބުނިގޮތުގައި އެމީހުންނަށް މިހާރު ވަނީ އެންޒައިޓީ ޖެހިފައެވެ. މީގެ އިތުރުން އެތައްބަޔަކު ވަނީ މިދެބޯޓުގައި ތިބި ޕައިލެޓުންގެ ހުށިޔާރު ކަމަށް ތައުރީފުވެސް ކޮށްފައެވެ. އަދި އެއްބަޔަކު ބުނާގޮތުގައި މި މަންޒަރަކީ ހޮލީވުޑްގެ ފިލްމެއްގެ މަންޒަރަކަށް ދޫނުކުރާ މަންޒަރެކެވެ.
މި ވީޑިއޯ ޓްވިޓާގައި ވައިރަލްވެފައި ވީނަމަވެސް މިއީ ކޮންގައުމެއްގެ އެއާޕޯޓެއްގައި ހިނގާފައިވާ ޙާދިސާއެއްކަން އެނގިފައި ނުވެއެވެ.
