ރާއްޖޭގައި މުއާސަލާތީ ޚިދުމަތްދޭ މައި ކުންފުނި ކަމުގައިވާ ދިރާގުން ދެމުން އަންނަ އިންޓަނެޓުގެ ޚިދުމަތަށް ބުރޫ އަރައިފި އެވެ.
ދިރާގުން ބުނީ ފިކްސްޑް ބްރޯޑްބޭންޑް ނެޓްވޯކަށް ދިމާވި ކުއްލި ޓެކްނިކަލް މައްސަލައަކާއި ގުޅިގެން ބައެއް ކަސްޓަމަރުންނަށް ބްރޯޑްބޭންޑްގެ ޚިދުމަތްތައް މަދުކެނޑުމަކީ އެކަށީގެންވާ ކަމެއް ކަމަށެވެ. އަދި މި މައްސަލަ ވީހާވެސް އަވަހަކަށް ހައްލު ކުރުމަށް މަސައްކަތް ކުރަމުން އަންނަ ކަމަށްވެސް ދިރާގުން ބުނެއެވެ.
Due to an unexpected technical issue on our Fixed Broadband Network, some of our customers may face interruptions on broadband services. Our team is working to rectify this issue as soon as possible. We apologize for the inconvenience caused.
— Dhiraagu (@Dhiraagu) December 1, 2019
މިކަމުގެ ސަބަބުން ދިމާވެދާނެ ދަތިތަކަށްޓަކައި ދިރާގުން ވަނީ އެކުންފުނީގެ ކަސްޓަމަރުންގެ ކިބައިން މަޢާފަށްވެސް އެދިފަ އެވެ.
މިއަދު ހެނދުނުން ފެށިގެން ދިރާގުގެ އިންޓަނެޓް ޚިދުމަތް ވަނީ މެދުކެނޑިފަ އެވެ. އޭގެ ސަބަބުން ގިނަ ކަސްޓަމަރުންނަށް ވަނީ ދަތިތަކާއި ކުރިމަތިވެފަ އެވެ.
