ކެންސަރު ބަލިތަކަށް ބޭނުންވާ ބޭސްވިއްކުމަށް ޚާއްސަ ފާމަސީއެއް އައިޖީއެމްއެޗްގައި މިއަދު ހުޅުވައިފި އެވެ.
އެ ފާމަސީ ރަސްމީކޮށް ހުޅުއްވައިދެއްވީ އައިޖީއެމްއެޗްގެ ސީއީއޯ އިބްރާހިމް ސަލީމްއާއި ރާއްޖޭގައި ހުންނަވާ ދިވެހި ހަމައެކަނި ކެންސަރުގެ އޮޕަރޭޝަނާ ބެހޭ ޚާއްސަ ޑޮކްޓަރު، ޑރ. މުހައްމަދު ޝިފާން އެވެ.
އައިޖީއެމްއެޗް އިން ބުނީ އެ ބޭސް ފިހާރަ ހުޅުވިފައި ހުންނަ ވަގުތުތަކަކީ އޯޕީޑީ ހުޅުވިފައި ހުންނަ ވަގުތުތައް ކަމުގައިވާ ކޮންމެ ދުވަހެއްގެ ހެނދުނު 09:00 އިން ހަވީރު 16:00 އަށް ކަމަށެވެ.
އެ ފާމަސީ ހުޅުއްވައިދެއްވުމަށްފަހު ދެއްކެވި ވާހަކަފުޅުގައި އައިޖީއެމްއެޗްގެ ސީއީއޯ އިބްރާހިމް ސަލީމް ވަނީ އެ ހޮސްޕިޓަލުން އަބަދުވެސް މަސައްކަތް ކުރަނީ ރައްޔިތުންނަށް ފަސޭހަކަމާ އެކީ ސިއްޙީ ފަރުވާގެ ޚިދުމަތް ފޯރުކޮށްދިނުމަށް ކަމަށާއި، އެ ބޭސް ފިހާރަ ކެންސަރުގެ ބަލިތަކާބެހޭ ޑިޕާޓްމަންޓްގެ ތެރޭގައި ހުޅުވުމުގެ މައިގަނޑު މަޤްސަދަކީވެސް އެއީކަން ވަނީ ފާހަގަކުރައްވައިފަ އެވެ.
