ރ. އަތޮޅު ފަޅުރަށެއްގެ ބޭރުގައި ސްނޯކްލިންގ އަށް ގޮސް އުޅެނިކޮށް ޒުވާނެއްގެ ފައި ބުރިވެއްޖެ އެވެ.
މަޢުލޫމާތު ލިބޭ ގޮތުގައި މި ހާދިސާގައި އަނިޔާވެފައިވަނީ ރ. އިނގުރައިދޫ އަށް ނިސްބަތްވާ އުމުރުން 27 އަހަރުގެ ފިރިހެނަކަށެވެ. އޭނާ ސްނޯކްލިންގ އަށް ގޮސް އުޅެނިކޮށް، ދުއްވާފައިދިޔަ ޑިންގީއެއްގެ ބުރަފަތީގައި ޖެހި އޭނާގެ ފައި ވަނީ ބުރިވެފަ އެވެ.
ފުލުހުން ބުނާ ގޮތުގައި މި ހާދިސާގައި ޒަޚަމްވި ޒުވާނާއަށް އިނގުރައިދޫ ރީޖަނަލް ހޮސްޕިޓަލްގައި ފަރުވާދިނުމަށްފަހު، އިތުރު ފަރުވާއަށް މާލެ ގެނައުމުގެ މަސައްކަތް މިހާރު އަންނަނީ ކުރަމުންނެވެ. ނަމަވެސް މި ހާދިސާއާއި ގުޅޭ އިތުރު އެއްވެސް ތަފްސީލެއް މިހާތަނަށް ލިބިފައެއް ނުވެއެވެ.
ފުލުހުން ދަނީ މިހާރު މި މައްސަލަ އިތުރަށް ތަޙުޤީޤު ކުރަމުންނެވެ.
